ترنمول کانگریس رکن پارلیمنٹ نصرت جہاں نے بچے کو جنم دیا

 اگست 26, 2021

مشہور بنگالی اداکارہ اور ترنمول کانگریس رکن پارلیمنٹ نصرت جہاں کے گھر ننھا مہمان آیا ہے۔ انھوں نے ایک خوبصورت بیٹے کو جنم دیا ہے اور اس کی خبر اب بہت تیزی کے ساتھ سوشل میڈیا پر پھیل رہی ہے۔ میڈیا ذرائع سے موصول ہو رہی خبروں کے مطابق گزشتہ شب ہی نصرت جہاں کو اسپتال میں ایڈمٹ کرایا گیا تھا اور انھیں یش داس گپتا اپنے ساتھ لے کر اسپتال پہنچے تھے۔یہاں قابل ذکر ہے کہ یش داس گپتا بنگالی سنیما کے مشہور اداکار ہیں اور میڈیا میں نصرت جہاں اور یش داس گپتا کی نزدیکیوں کو لے کر خبریں خوب منظر عام پر آتی رہی ہیں۔

نصرت جہاں سے ان کے شوہر نکھل جین کی دوریوں کی ایک وجہ یش داس گپتا کو بھی بتایا جاتا ہے۔ دراصل نصرت جہاں کے حاملہ ہونے کی خبریں جب سامنے آئی تھیں تو ان کے شوہر نکھل جین نے دعویٰ کیا تھا کہ وہ ان سے الگ رہ رہے ہیں اور پریگننسی کے بارے میں انھیں کوئی جانکاری نہیں ہے۔ نصرت جہاں نے اپنی شادی کو لے کر جاری تنازعہ پر کسی بھی طرح کا بیان دینے سے پرہیز کیا اور پوری توجہ اپنے بچے پر دی۔ ایک بار انھوں نے یہ ضرور کہا تھا کہ بزنس مین نکھل جین کے ساتھ ان کی شادی ہندوستان میں ویلڈ (قابل قبول) نہیں ہے۔

 

واضح رہے کہ نصرت سے نکھل جین نے 2019 میں ترکی میں شادی کی تھی، لیکن یہ شادی بہت زیادہ دنوں تک نہیں چلی۔ شادی کے کچھ مہینوں کے اندر ہی نصرت اور نکھل کے درمیان نااتفاقی کی خبریں سامنے آنے لگیں۔ اسی وقت ساتھ میں یہ بھی افواہیں پھیل رہی تھیں کہ نصرت ’ایس او ایس کولکاتا‘ کے اپنے ساتھی اداکار یش داس گپتا کے بہت قریب ہو رہی ہیں۔ اس وقت دونوں ساتھ میں راجستھان کے سفر پر بھی گئے تھے۔
یہاں قابل غور بات یہ ہے کہ یش داس گپتا کے ساتھ رشتوں کو لے کر نصرت جہاں نے ابھی تک کوئی بیان نہیں دیا ہے۔ میڈیا میں ایسی خبریں ضرور سامنے آ رہی ہیں کہ دونوں ایک دوسرے کے ساتھ ہیں۔ جب یش داس گپتا نصرت جہاں کو بدھ کی شب ساتھ لے کر اسپتال پہنچے تو اس سے بھی چہ می گوئیاں شروع ہوئیں اور دونوں کے ایک ساتھ ہونے کی باتیں کی جانے لگیں۔ بہر حال، بیٹے کی پیدائش کے بعد نصرت جہاں کافی خوش نظر آ رہی ہیں اور انھوں نے سوشل میڈیا پر ایک پوسٹ بھی کیا ہے۔

جامعہ ملیہ:سول سروسز کوچنگ کے لیے درخواستیں مطلوب

سول سروسز کے امیدواروں کے لیے6 ستمبرتک درخواسط مطلوب

(اردو دنیا نیوز۷۲) نئی دہلی

سول سروسز امیدوار جامعہ ملیہ اسلامیہ کے اقامتی کوچنگ اکیڈمی میں مؤرخہ 6 ستمبر2021 تک درخواست دے سکتے ہیں۔

سول سروسز کوچنگ پروگرام۔2021 کے لیے جامعہ ملیہ اسلامیہ مؤرخہ 18ستمبر2021(بروز سنیچر) کو آل انڈیا انٹرنس ٹسٹ کرائے گا۔

یہ اہم پروگرام سینٹر فار کوچنگ اکیڈمی اینڈ کیرئیر پلاننگ،جامعہ ملیہ اسلامیہ کے زیر اہتمام اقامتی کوچنگ اکیڈمی کراتی ہے۔

اقلیتی طبقہ، ایس سی /ایس ٹی اور خواتین امیدواروں کے لیے جامعہ ملیہ اسلامیہ کی کوچنگ اکیڈمی ہاسٹل کے ساتھ مفت کوچنگ کی سہولت بھی مہیا کراتی ہے۔

آن لائن درخواست جمع کرنے کی آخری تاریخ ستمبر 2021,6ہے۔

خواہش مند طلبا جامعہ ملیہ اسلامیہ کی درج ذیل ویب سائٹ پر جاکر تفصیلات دیکھ سکتے ہیں:

https://jmi.ucanapply.com/univer/public/secure?app_id=UElZMDAwMDAzOQ=

سول سروسز میں داخلہ کے لیے انٹرنس ٹسٹ ملک میں دس مقامات یعنی دہلی،جمو،سری نگر،لکھنؤ،گوہاٹی، مالپورم (کیرالا) بنگالورو، ممبئی، حیدرآباد اور پٹنہ میں ہوں گے۔

انٹرنس ٹسٹ میں دو پرچے ہوں گے۔(60)MCQنمبرات اور مضمون نگاری (60)نمبرات کے اس کے بعد (30) نمبرکا انٹرویو ہوگا۔

جامعہ ملیہ اسلامیہ کے اقامتی کوچنگ سینٹر نے گزشتہ دس برسوں میں غیر معمولی مظاہرہ کیا ہے۔

مرکزی سطح پر دو سو پچاس سے زیادہ سول سروس اہلکار یہاں سے کامیاب ہوئے ہیں جب کہ ریاستی سطح پر تین سوسے زیادہ سول سروس اہلکار کامیاب ہوئے ہیں۔

جامعہ سول سروسز کوچنگ کی کچھ اہم خوبیوں میں مقابلہ جاتی ماحول،دار الاقامہ کی سہولت،چوبیس گھنٹے کتب خانہ،آن لائن اور آف لائن تدریس،ٹسٹ سریز، ماک انٹرویو،ادارے کے سابق کامیاب طلبا سے ملاقات اور ساتھیوں و احباب کے ساتھ پڑھنے کا ماحول قابل ذکر ہیں۔

جامعہ سول سروسزکوچنگ سینٹر کی ان خوبیوں نے یہاں کے طلبا کو اپنی خوابوں کا جہاں تعمیر کرنے میں مدد بہم پہنچائی ہے۔

پہلی اننگز میں ناکام رہنے کے باوجود ورات کوہلی نے ٹیسٹ کرکٹ میں حاصل کی بڑی کامیابی

26/08/2021

نئی دہلی،26؍اگست:(اردودنیانیوز۷۲)ہندوستانی کپتان وراٹ کوہلی کا ناکامی کا سلسلہ ختم ہونے کا نام نہیں لے رہا ہے اور یہ ایک بار پھر انگلینڈ کے خلاف ہیڈنگلے ٹیسٹ میچ کی پہلی اننگز میں دیکھا گیا۔ وراٹ کوہلی نے ٹاس جیتنے کے بعد پہلے بیٹنگ کا فیصلہ ضرور لیا ، لیکن جب باری آئی تو بیٹ حرکت میں نہیں آیا۔ 17 گیندوں کا سامنا کرتے ہوئے، صرف 7 #رنز بنا کرجیمس اینڈرسن کی گیند پر آئوٹ ہوگئے ۔ بے شک انہوں نے اس #اننگز میں 7 رنز بنائے لیکن انہوں نے ایک خاص کامیابی اپنے نام کی۔وراٹ #کوہلی نے ورلڈ ٹیسٹ چمپئن شپ میں بطور #کپتان 1000 رنز مکمل کیے۔

اس سے قبل جو روٹ اس چمپئن شپ میں یہ کارنامہ انجام دینے والے پہلے ٹیسٹ کپتان تھے۔ اب وراٹ ایسا کارنامہ انجام دینے والے دوسرے کپتان بن گئے۔ انہوں نے ورلڈ ٹیسٹ چمپئن شپ میں 1000 رنز مکمل کرنے کے لیے 28 اننگز کھیلیں۔وراٹ کوہلی ورلڈ ٹیسٹ چمپئن شپ میں 1000 رنز مکمل کرنے والے تیسرے ہندوستانی بلے باز بن گئے۔ اس سے قبل روہت شرما اور اجنکیا رہانے یہ کمال کرچکے ہیں۔

روہت شرما نے اس چمپئن شپ میں 1000 رنز مکمل کرنے کے لیے 17 اننگز کھیلیں، جبکہ رہانے نے اپنی 25 ویں اننگز میں ہی اس اعداد کو عبور کیا۔ اب وراٹ کوہلی نے یہ کامیابی اپنی 28 ویں اننگز میں اپنے نام کی ہے۔روہت شرما ورلڈ ٹیسٹ چمپئن شپ میں ہندوستان کے لیے اب تک سب سے زیادہ رنز بنانے کے معاملے میں پہلے نمبر پر ہیں۔

روہت شرما نے اس چمپئن شپ میں اب تک مجموعی طور پر 1249 رنز بنائے ہیں اور وہ پہلے نمبر پر ہیں جبکہ اجنکیا رہانے اس معاملے میں دوسرے نمبر پر ہیں اور انہوں نے 1226 رنز بنائے ہیں۔ ساتھ ہی #وراٹ کوہلی 1000 رنز بنانے کے بعد تیسرے نمبر پر آ گئے ہیں۔

فیس بک کی پہلی میسجنگ ایپ 10 سال کی ہوگئی

واشنگٹن،26؍اگست:(اردودنیانیوز۷۲)فیس بک کی پہلی میسجنگ ایپ کو 10 سال مکمل ہو گئے ہیں، اس موقع پر #میسنجر کے متعدد موجودہ فیچرز کے برتھ ڈے ورژن کو متعارف کرایا گیا ہے۔جس میں برتھ ڈے ساؤند موجی، اے آر ایفیکٹس، اسٹیکرز، چیٹ تھیمز اور دیگر ایفیکٹس شامل ہیں۔ نئی پالیسی کے مطابق صارفین برتھ ڈے گفٹ کے لیے دوستوں کو نقد رقم بھی #فیس بک کی مدد سے بھجوا سکتے ہیں۔ #میسجنگ #ایپ میں ایک نئی قسم کی منی گیم‘پول گیمز’ کو چیٹس کا حصہ بھی بنایا گیا ہے۔

تمام نئے برتھ ڈے ایفیکٹس، پول گیمز اور برتھ ڈے گٹس کو متعارف کرا دیا گیا ہے جبکہ کمپنی کی جانب سے جلد ورڈ ایفیکٹس نامی فیچر کو بھی متعارف کرایا جائے گا۔جس کی مدد سے صارفین کسی مخصوص لفظ یا جملے کے ساتھ ایک ایموجی کو منسلک کرسکیں گے۔فیس بک کی میسنگ ایپ کو 2011 میں لانچ کیا گیا تھا، جس کے بعد اس میں صارفین کی خواہشات کے مطابق کئی تبدیلی مراحل سے گزارا گیا، اور ڈیزائن کو بھی متعدد بار بدلہ گیا۔اور اب نئی اپ ڈیٹ کے تحت انسٹاگرام ڈائریکٹ میسجز کو میسنجر سے جوڑنے کے بعد واٹس ایپ کو بھی میسنجر سے جوڑنے کی تیاریاں کی جا رہی ہیں۔مگر اب تک میسنجر کو بائی ڈیفالٹ اینڈ ٹو اینڈ انکرپٹڈ نہیں کیا جاسکا۔

عمر گوتم تبدیلی مذہب معاملہ ملزم عرفان خواجہ خان کی ضمانت عرضداشت مجسٹریٹ عدالت نے مسترد کی

عمر گوتم تبدیلی مذہب معاملہ ملزم عرفان خواجہ خان کی ضمانت عرضداشت مجسٹریٹ عدالت نے مسترد کی

(اردو دنیا نیوز۷۲)ممبئی 26 اگست _ تبدیلی مذہب کرانے کے الزام میں گرفتار عرفان خواجہ خان کی ضمانت پرر ہائی کی عرضداشت کو آج لکھنؤ کی مجسٹریٹ عدالت نے یہ کہتے ہوئے خارج کردیا کہ ملزم پر سنگین الزامات ہیں اور جن دفعات کے تحت مقدمہ قائم کیا گیا ہے وہ ان کے دائر اختیار سے باہر ہیں لہذا وہ ملزم کی ضمانت عرضداشت مسترد کرتے ہیں۔ حالانکہ دوران بحث دفاعی وکلاء ایڈوکیٹ اجیت اور فرقان خان نے عدالت کو بتایا کہ ملزم پر غلط طریقے سے ان دفعات کا اطلاق کیا گیا ہے جن کا اطلاق ملزم پر نہیں ہوتا ہے اور مجسٹریٹ عدالت ملزم کو ضمانت عرضداشت منظور کرسکتی ہے کیونکہ استغاثہ کا الزام بے بنیاد ہے، ملزم کسی بھی ایسی تنظیم سے جڑا ہوا نہیں ہے جو مذہب تبدیل کراتی ہے نیز ملزم کے اکاؤنٹ میں بیرون ممالک سے پیسے بھی نہیں آئے۔ وکلاء نے عدالت کو مزید بتایا کہ ملزم عرفان کا تعلق مہاراشٹر کے بیڑ ضلع سے ہے اور وہ مرکزی حکومت کے زیر انصرام منسٹری آف ومن اینڈ چلڈرن ڈیولپمنٹ میں بطور ترجمان کام کرتا ہے نیز یو پی اے ٹی ایس نے ملزم پر جو الزام لگایا ہے کہ ہ وہ گونگے بچوں کو عمر گوتم کے کہنے پر اسلام قبول کرنے میں ان کی مدد کرتے تھے اس میں کوئی صداقت نہیں ہے کیونکہ وہ عمر گوتم کو جانتے بھی نہیں ہیں اور نوئیڈا ڈیف سوسائٹی سے ان کا تعلق بھی نہیں ہے۔وکلاء نے عدالت کو مزید بتایا کہ یو پی اے ٹی ایس نے ملزم عرفان سمیت چھ لوگوں کے خلاف چارج شیٹ عدالت میں داخل کرچکی ہے لہذا ملزم کو مزید جیل میں رکھنا اس کے ساتھ زیادتی ہوگی۔ سرکاری وکیل نے ملزم عرفان کو ضمانت پر نہ رہا کیئے جانے کی عدالت سے درخواست کی تھی اور کہا تھا کہ ملزم ایک منظم گینگ کا حصہ ہے جو مذہب تبدیل کراتا ہے اور وہ اس تنظیم کے بانی کو اچھی طرح سے جانتا ہے۔ فریقین کے دلائل کی سماعت کے بعد مجسٹریٹ نے ملزم عرفان کی ضمانت عرضداشت مسترد کردی۔ اس ضمن میں جمعیۃ علماء مہاراشٹر(ارشد مدنی) قانونی امداد کمیٹی کے سربراہ گلزار اعظمی نے ممبئی میں کہا کہ مجسٹریٹ عدالت کے ضمانت عرضداشت مسترد کیئے جانے والے فیصلہ کو سیشن عدالت میں فوراً چیلنج کیاجائے گا اور ملزم کی ضمانت پر رہائی کے لیئے کوشش کی جائے گی۔ انہوں نے کہا کہ مجسٹریٹ عدالت کا یہ کہنا کہ سیشن عدالت ہی ملزم کی ضمانت عرضداشت کی سماعت کرسکتی ہے لیکن سیشن عدالت میں عرضداشت داخل کرنے سے پہلے قانوناً مجسٹریٹ عدالت سے رجوع ہونا پڑتا ہے لہذا ملزم عرفان کی مجسٹریٹ عدالت میں ضمانت عرضداشت داخل کی گئی تھی کیونکہ ابھی بھی مقدمہ مجسٹریٹ عدالت میں ہی ہے اور تمام ملزمین کے خلاف چارج شیٹ عدالت میں داخل ہوجانے کے بعد یہ سیشن عدالت میں منتقل ہوجائے گا۔ خیال رہے کہ گذشتہ ماہ اتر پردیش انسداد دہشت گرد دستہ ATSنے عمر گوتم اور مفتی قاضی جہانگیر قاسمی کو جبراً تبدیل مذہب کے الزام میں گرفتار کیا تھا اور ان پر الزام عائد کیا ہیکہ دونوں ملزمین پیسوں کا لالچ دے کر ہندوؤں کا مذہب تبدیل کراکے انہیں مسلمان بنانے تھے اور پھر ان کی شادیاں بھی کراتے تھے۔ پولس نے ممنو ع تنظیم داعش سے تعلق اور غیر ملکی فنڈنگ کا بھی شک ظاہر کیا ہے۔ پولس نے ملزمین پر تعزیرات ہند کی دفعات 420,120(B),153(A),153(B),295,511اور اتر پردیش پروہبیشن آف ین لاء فل کنورژن آف ریلیجن ایکٹ کی دفعات 3,5 کے تحت مقدمہ قائم کرکے ان پر سنگین الزامات عائد کیئے ہیں۔ سیشن عدالت میں مجسٹریٹ عدالت کے فیصلہ کو چیلنج کیا جائے گا،

رانچی سے پٹنہ جانے والے ریل مسافروں کا سفر ہوگا آسان ، فاصلہ 35 کلومیٹر ہوگا کم

رانچی سے پٹنہ جانے والے ریل مسافروں کا سفر ہوگا آسان ، فاصلہ 35 کلومیٹر ہوگا کم

رانچی:(اردو دنیا نیوز۷۲) رانچی سے پٹنہ تک ریل کا سفر آنے والے وقت میں آسان ہو جائے گا۔ پٹنہ سے رانچی بذریعہ فتوحہ ، اسلام پور ، نٹیسر ، کوڈرما ، یہ فاصلہ 412 کلومیٹر سے کم ہوکر صرف 380 کلومیٹر رہ جائے گا۔ اس سے بہار کے دارالحکومت اور جھارکھنڈ کے درمیان انٹرسٹی ٹرین کی سہولت دستیاب ہوگی۔ لوگ ایک ہی دن میں رانچی-پٹنہ کے درمیان چل سکیں گے۔ ان دو دارالحکومتوں کے درمیان سفر چھ گھنٹے میں مکمل کیا جا سکتا ہے۔

فی الحال ، رانچی-پٹنہ جن شتابدی اور ہٹیا پورنیا خصوصی ٹرین کے ذریعے سفر کرنے میں تقریبا 7 گھنٹے لگتے ہیں۔ لیکن ایک بار تلئیا-کوڈرما لائن بننے کے بعد ، یہ براہ راست فتوحہ-اسلام پور-نٹیسار لائن سے منسلک ہوجائے گی۔ اس لائن کا فاصلہ 68 کلومیٹر ہوگا۔ 189 کلومیٹر کی رانچی کوڈرما لائن تکمیل کے قریب ہے۔ برکانہ سے رانچی تک اس کا کام آخری مراحل میں ہے۔

آنے والے وقت میں موجودہ لائن کے علاوہ رانچی سے پٹنہ تک مزید دو لائنیں ہوں گی۔ فی الحال ، ٹرینیں گیا ، پٹنہ کے ذریعے جہان آباد کے ذریعے گومو کے ذریعے چلتی ہیں۔ جبکہ دوسرا راستہ پٹنہ سے کوڈرما کے راستے فتوحہ ، اسلام پور ، تلیا جائے گا۔ ایک اور راستہ پٹنہ سے بختیار پور ، راجگیر ، تلیا سے کوڈرما بذریعہ رانچی جائے گا۔ اس راستے میں تلگیا تک ایک نئی ریلوے لائن بنائی جا رہی ہے جو کہ راجگیر-ہیسوا اسٹیشن (نواڈا) کے راستے ہے۔

پلاموں ایکسپریس کو پٹنہ سے برکانہ اور ایکسپریس ٹرین کو راجندر نگر سے برکانہ تک اسلام پور نٹیسر روٹ پر چلانے کی کوشش کی جارہی ہے۔ یہ پٹنہ جنکشن-فتوحہ-اسلام پور-نٹیسر-تلیہ-کوڈرما-ہزارہ باغ-برکانہ کے راستے رانچی جائے گی۔

سنٹرل ایسٹرن ریلوے سی پی آر او راجیش کمار نے کہا کہ رانچی-پٹنہ کے درمیان اسلام پورہ-نٹیسر-تلیہ کے درمیان فاصلہ کم ہوگا۔ اس کے لیے یہ راستہ دو ریلوے لائنوں کی تعمیر کے بعد دستیاب ہو جائے گا۔ تلیا-کوڈرما نئی ریلوے لائن کا کام تیزی سے جاری ہے۔ جبکہ رانچی کوڈرما ریل لائن کا تعمیراتی کام آخری مرحلے میں ہے

باغپت حاجی یاسین نے دی مندر کے لیےزمین

ایک مثالی قدم

• 
   

(اردو دنیا نیوز۷۲)، باغپت

ریاست اترپردیش کے ضلع باغپت میں ہندو مسلم اتحاد کی ایک انوکھی مثال دیکھنے کو مل رہی ہے، جب کہ ایک مسلمان نے مندر کی تعمیر کے لیے اپنی زمین کا عطیہ کیا ہے۔

یوں تو باغپت کی سرزمین پر ہندو مسلم اتحاد کا دھاگہ باغپت میں ہمیشہ مضبوط رہا ہے۔

باغپت سے تعلق رکھنے والے حاجی یاسین نے باہمی بھائی چارے کی ایک منفرد مثال قائم کرتے ہوئے اپنی 112 گز زمین مندر کی تعمیر کے لیے عطیہ کی۔

اس زمین پر مندر مکمل ہوچکا ہے ، جہاں عقیدت مند پوجا کر رہے ہیں۔

خیال رہے کہ شہر کے پرانے قصبے کے رہائشی حاجی یاسین نے میرٹھ روڈ پرسال 1997 میں سٹی پلازہ کے نام سے کالونی بنائی، اس میں رہائشی پلاٹ فروخت ہوئے۔

کالونی میں زیادہ تر گھر ہندو سماج کے لوگوں کے ہیں۔

اس کالونی میں کوئی مندر نہیں تھا ، جس کی وجہ سے لوگوں کو عبادت کے لیے دوسری جگہوں پر جانا پڑتا تھا۔

لوگوں کی شردھا کو دیکھتے ہوئے حاجی یاسین نے ایک سال قبل کالونی میں اپنی 112 گز زمین مندر کے لیے عطیہ کی تھی۔

اس زمین پر کالونی والوں نے باہمی تعاون سے مہادیو مندر کی تعمیر شروع کی۔

یہ مندر گزشتہ ماہ مکمل ہو گیا۔

کالونی کے لوگ اب اس مندر میں عبادت کر رہے ہیں۔

اس کالونی کے رہائشی وکی چوہدری کا کہنا ہے کہ حاجی یاسین تعریف کے مستحق ہیں۔

حاجی یاسین نے کہا کہ ایشوراللہ ایک ہے۔ تمام مذاہب کے لوگوں کو اپنے طریقے سے عبادت کرنے کا حق ہے۔ کالونی کے لوگوں کو زمین کی ضرورت تھی۔ اسی لیے انھوں نے اپنی 112 گز زمین مندر کے لیے دی۔