پنجاب نے کمال کردیا اروند کجریوال شاندار جیت پر عوام سے اظہار تشکر

پنجاب نے کمال کردیا اروند کجریوال شاندار جیت پر عوام سے اظہار تشکر

 دہلی :عام آدمی پارٹی کے کنوینر اروندکجریوال نے پنجاب میں پارٹی کی شاندار جیت کے لیے ریاست کے ووٹروں کا شکریہ ادا کیاہے۔اروند کجریوال نے کہاہے کہ پنجاب کے لوگوں نے کمال کیاہے۔ہم سب آپ سے پیارکرتے ہیں۔ انہوں نے کہاہے کہ سکھبیر بادل، امریندر سنگھ، نوجوت سدھو اور چنی صاحب سب ہار گئے۔ انہوں نے کہاہے کہ پنجاب میں آپ کی جیت سے شہید اعظم بھگت سنگھ کا خواب پورا ہو رہا ہے۔ عاپ سربراہ نے کہاہے کہ ہم میڈیکل کالج، انجینئرنگ کالج بنائیں گے۔ ایسی صورت حال میں ہم طلباء کو یوکرین نہیں جانا پڑے گا۔یوپی میں انقلاب تھا۔ اب پنجاب میں انقلاب آگیا ہے۔ اب وقت آگیا ہے کہ پورے ملک میں انقلاب برپا کیا جائے۔ انہوں نے تمام خواتین، نوجوانوں اور کسانوں سے عام آدمی پارٹی میں شامل ہونے کی اپیل کی ہے۔

الیکشن کمیشن نے فتح کے جلوس پر پابندی واپس لی

 

الیکشن کمیشن نے فتح کے جلوس پر پابندی واپس لی

نئی دہلی: الیکشن کمیشن نے پانچ ریاستوں میں اسمبلی انتخابات کے لئے ووٹوں کی گنتی کے دوران اور بعد میں جیت کے جلوسوں پر عائدپابندی کے رہنما خطوط میں نرمی کا فیصلہ کرتے ہوئے جیت کے جلوسوں پر عائد پابندی کو واپس لے لیا ہے

کمیشن نے جمعرات کو یہاں ایک پریس ریلیز جاری کرتے ہوئے کہا کہ 8 جنوری کو گوا، منی پور، پنجاب، اتر پردیش اور اتراکھنڈ کی قانون ساز اسمبلیوں کے عام انتخابات کا اعلان کیا گیا تھا۔

انتخابات کے اعلان کے ساتھ ، کمیشن نے فاتحانہ جلوس سمیت انتخابات کے مختلف پہلوؤں کو منظم کرنے کے لیے نظرثانی شدہ جامع رہنما خطوط بھی جاری کیے تھے۔

انتخابی مدت کے دوران کورونا کی صورتحال میں بہتری کے پیش نظر کمیشن نے وزارت صحت اور ریاستی حکومتوں کے ساتھ مشاورت کرتے ہوئے انتخابی مہم سے متعلق اصولوں میں بتدریج نرمی کی تھی۔

فتح کے جلوسوں پر یہ نرمی ریاستی ڈیزاسٹر مینجمنٹ اتھارٹی (ایس ڈی ایم اے) کی موجودہ ہدایات اور متعلقہ ضلعی حکام کی طرف سے لگائے گئے احتیاطی اقدامات کے تابع ہوگی۔ (ایجنسی)

دیوبند سے مولانا عمیر مدنی کو شکست بی جے پی کے برجیش سنگھ کامیاب

دیوبند سے مولانا عمیر مدنی کو شکست بی جے پی کے برجیش سنگھ کامیاب

لکھنو_ 10 مارچ ( اردو لیکس) اترپردیش کے دیوبند اسمبلی حلقہ سے بی جے پی کے امیدوار برجیش سنگھ نے کامیابی حاصل کرلی ہے ۔ انہوں نے سماج وادی پارٹی کے کارتیکہ رانا کو 7104 ووٹوں کے فرق سے شکست دی ہے۔ برجیش سنگھ کو 93890 ووٹ ملے جبکہ کارتیکہ رانا 86786 ووٹ حاصل کر سکے۔ بہوجن سماج پارٹی کے چودھری راجندر سنگھ 52732 ووٹوں کے ساتھ تیسرے نمبر پر رہے۔

کل ہند مجلس اتحاد المسلمین کے امیدوار مولانا عمیر مدنی کو صرف 3501 ووٹ ملے ہیں۔ کانگریس کے راحت خلیل کو صرف 1096 ووٹ ملے ہیں۔

قابل ذکر ہے کہ دیوبند مسلم اکثریتی حلقہ ہے۔ بی جے پی کے جیتنے والے امیدوار برجیش سنگھ کو 38 فیصد ووٹ ملے جبکہ سماج وادی پارٹی کے کارتیکہ رانا نے 35 فیصد ووٹ حاصل کیے۔

دیوبند اسمبلی حلقہ میں مسلمانوں کی آبادی 40 فیصد ہے۔ دیوبند سہارنپور ضلع میں ہے اور یہ دارالعلوم دیوبند کے لیے جانا جاتا ہے، جو ہندوستان کے سب سے زیادہ بااثر اسلامی مدارس میں سے ایک ہے۔

لکھنؤ:بی جے پی دفتر میں جشن

 

لکھنؤ:بی جے پی دفتر میں جشن

لکھنو : اتر پردیش نے ایک بار پھر مودی-یوگی کے ڈبل انجن پر چلنے کا فیصلہ کیا ہے۔ 260 پلس سیٹوں پر برتری کے ساتھ بی جے پی کی جیت یقینی ہوگئی ہے۔ یوگی آدتیہ ناتھ بی جے پی کے لکھنؤ دفتر پہنچ گئے ہیں۔ جہاں ہولی کا سماں ہے ۔

یوگی نے کہا- اتر پردیش ملک کی سب سے بڑی ریاست ہے۔ پورے ملک اور دنیا کی نظریں خاص طور پر اتر پردیش پر تھیں۔ آج بھارتیہ جنتا پارٹی اور بی جے پی کے اتحادیوں کو اتر پردیش میں زبردست اکثریت حاصل ہوئی ہے۔ اس کے لیے اتر پردیش کے لوگوں کا تہہ دل سے شکریہ۔ بھائیو اور بہنو۔

 پہلی بار 7 مرحلوں میں اتر پردیش قانون ساز اسمبلی کے انتخابات پرامن طریقے سے مکمل ہوئے۔ ووٹوں کی گنتی کے بارے میں گمراہ کن پروپیگنڈہ پچھلے دو تین دنوں سے چلایا جا رہا تھا۔ اتر پردیش کے عوام کی طاقت نے اس گمراہ کن پروپیگنڈے کو ناکام بنا دیا ہے اور بی جے پی کو فتح یاب کر دیا ہے۔

اتر پردیش میں اچھی حکمرانی کے لیے کی گئی ہر کوشش میں وزیر اعظم کا تعاون اور ہدایت ملی ہے۔ آج، سب کے تعاون سے، بی جے پی کو زبردست اکثریت ملی ہے اور اسے ملک کی سب سے بڑی ریاست میں ملی ہے۔ یہ اکثریت بی جے پی کے قوم پرستی، ترقی اور گڈ گورننس کے ماڈل کے لیے اتر پردیش کے لوگوں کی مہربانی ہے۔ ہم سب کی کوششوں سے آگے بڑھیں گے - سب کا ساتھ - سب کا وکاس - سب کا وشواس - سب کی کوشش۔

یوپی انتخابات:کھلے میں وی وی پیٹ پرچیاں برآمد ہونے سنسنی!ایس پی امیدوار کا دوبارہ ووٹنگ کا مطالبہ

یوپی انتخابات:کھلے میں وی وی پیٹ پرچیاں برآمد ہونے سنسنی!ایس پی امیدوار کا دوبارہ ووٹنگ کا مطالبہ 

چندولی: اتر پردیش میں اسمبلی انتخابات کے لیے ووٹنگ ہو چکی ہے اور تمام امیدواروں کی قسمت ای وی ایم میں قید ہے۔ کل یعنی 10 مارچ کو ووٹوں کی گنتی ہونی ہے لیکن گنتی سے قبل ہی سماج وادی پارٹی (ایس پی)، بہوجن سماج پارٹی (بی ایس پی) اور کانگریس نے ای وی ایم کے حوالہ سے سوال اٹھانے شروع کر دیئے ہیں۔آج تک کی رپورٹ کے مطابق ای وی ایم پر سوالات کے درمیان مشرقی اتر پردیش کے چندولی میں کھلے میں وی وی پیٹ کی پرچیاں برآمد ہونے کے بعد ہلچل مچ گئی ہے۔ چندولی ضلع کی سید راجہ اسمبلی سیٹ سے بی ایس پی امیدوار امت یادو نے پورے واقعہ کی جانچ کا مطالبہ کیا ہے۔ انہوں نے اس سیٹ پر دوبارہ الیکشن کرانے کا بھی مطالبہ کیا ہے۔

امیت یادو نے الزام لگایا کہ وی وی پیٹ کی کاپیاں انہیں سید راجہ اسمبلی کے اماد پور پولنگ بوتھ کے قریب پڑی ملی تھیں۔ امت یادو کا یہ بھی الزام ہے کہ یہاں سینکڑوں کی تعداد میں پرچیاں پڑی ہوئی تھیں۔ جیسے ہی یہ معاملہ منظر عام پر آیا، بی ایس پی کارکن مشتعل ہو گئے۔ بی ایس پی امیدوار امت یادو کا الزام ہے کہ انہیں جو پرچیاں ملی ہیں ان میں ایس پی، بی ایس پی سمیت کئی دیگر پارٹیوں کی وی وی پیٹ کی پرچیاں ہیں لیکن ان میں بی جے پی سے متعلق کوئی پرچی نہیں ہے۔ لہذا گڑبڑی کئے جانے کا اندیشہ ہے۔

واقعہ کے خلاف بی ایس پی امیدوار اپنے حامیوں کے ساتھ دھرنے پر بیٹھ گئے۔ دوسری جانب آدھی رات کے اس واقعہ کی اطلاع ملتے ہی انتظامی عملے میں کھلبلی مچ گئی۔ آناً فاناً میں ضلع انتظامیہ کے لوگوں نے بی ایس پی کارکنوں سے ملاقات کی اور پورے معاملے کی جانچ کے بعد کارروائی کرنے کی یقین دہانی کروائی۔اے ڈی ایم اونیش کمار نے کہا کہ ''بہوجن سماج پارٹی کے ضلع صدر نے بتایا ہے کہ انہیں کسی بوتھ پر وی وی پیٹ کی پرچیاں ملی ہیں۔ اس حوالے سے شکایت کی گئی تھی۔ ان کی درخواست لے لی گئی ہے۔ ضلع مجسٹریٹ سے بھی بات ہوئی ہے اور قواعد کے مطابق کارروائی کی جائے گی

بارہ بنکی میں ای وی ایم کی : UP Polls Results نگرانی کے لیے ایس پی کارکن مستعد

بارہ بنکی میں ای وی ایم کی : UP Polls Results نگرانی کے لیے ایس پی کارکن مستعد

اترپردیش اسمبلی انتخابات کے تحت 7 مراحل میں پولنگ ہوئی تاہم 10 مارچ کو ووٹوں کی گنتی ہوگی۔ ووٹوں کی گنتی کے عمل سے قبل ای وی ایم پر شکوک و شبہات کا اظہار کیا جارہا ہے۔ UP Polls Results

سوشل میڈیا و دیگر ذرائع سے موصول رپورٹز کے مطابق سماجوادی پارٹی کے قومی صدر اکھلیش یادو نے تمام پارٹی کارکنوں کو مستعدی کے ساتھ ای وی ایم کی نگرانی کرنے کی ہدایت دی ہے۔ UP Polls Results

بارہ بنکی میں ای وی ایم کی نگرانی کےلیے ایس پی کارکن مستعد

اکھلیش یادو کی ہدایت کے بعد سماج وادی پارٹی کے کارکنان اسٹرانگ روم کے قریب مستعدی سے ڈٹ گئے جب کہ انتظامیہ کی جانب سے بھی نگرانی کو سخت کردیا گیا۔ اکھلیش یادو نے اس سلسلہ میں کارروائی کرتے ہوئے تمام اضلاع میں ایک انچارج کو مقرر کیا ہے۔

بارہ بنکی میں ایم ایل سی راجیش یادو کو انچارج بنایا گیا۔ انہوں نے ای ٹی وی بھارت سے بات کرتے ہوئے کہا کہ 28 فروری سے ہی ایس پی اور بی ایس پی کارکنان ای وی ایم کی نگرانی کر رہے ہیں۔ اچانک مستعدی میں اضافے کے سوال پر انہوں نے کہا کہ ای وی ایم کو لیکر جس طرح سے خبریں آرہی ہیں، اس کے پیش نظر ای وی ایم کی نگرانی بڑھانے کی ہدایت دی گئی ہے۔

یہ بھی پڑھیں:

انہوں نے کہا کہ ووٹوں کی گنتی ہونے تک نگرانی کی جائے گی۔ انہوں نے ایکزٹ پول کو فرضی قرار دیا اور کہا کہ بی جے پی ای وی ایم میں چھیڑ چھاڑ کے ذریعہ کامیابی حاصل کرنے کےلیے کوشاں ہے۔

دو سال بعد 27 مارچ سے پھر شروع ہوں گی ہندوستان سے آنے جانے والی سبھی بین الاقوامی Flights ، سرکار نے دی منظوری

دو سال بعد 27 مارچ سے پھر شروع ہوں گی ہندوستان سے آنے جانے والی سبھی بین الاقوامی Flights ، سرکار نے دی منظوری

نئی دہلی : ہندوستان میں طے شدہ بین الاقوامی مسافر پروازیں دو سال بعد 27 مارچ سے ایک بار پھر شروع ہوں گی۔ شہری ہوا بازی کی وزارت نے منگل کو یہ اطلاع دی۔ وزارت نے کہا کہ حکومت ہند نے 27 مارچ سے ہندوستان کیلئے اور یہاں سے طے شدہ کمرشیل بین الاقوامی مسافر خدمات کو دوبارہ شروع کرنے کا فیصلہ کیا ہے ۔
اس کے ساتھ ہی وزارت نے کہا کہ بین الاقوامی آپریشنز بین الاقوامی سفر کے لیے وزارت صحت کے رہنما اصولوں پر سختی سے عمل پیرا ہونے کے پابند ہوں گے۔ اس سے قبل 19 جنوری اور پھر 28 فروری کو ملک میں طے شدہ بین الاقوامی مسافر پروازوں کی معطلی کو "اگلے احکامات تک" بڑھا دیا گیا تھا۔

وزارت شہری ہوا بازی کی جانب سے اس کے لیے ایک بیان جاری کیا گیا ہے۔ بیان میں کہا گیا ہے کہ دنیا بھر میں ویکسینیشن کی بڑھتی ہوئی رفتار کے پیش نظر، اسٹیک ہولڈرز کے ساتھ مشاورت کے بعد حکومت ہند نے 27 مارچ سے ہندوستان کے لیے طے شدہ کمرشیل بین الاقوامی مسافروں کی خدمات کو دوبارہ شروع کرنے کا فیصلہ کیا ہے۔

ہندوستان میں طے شدہ بین الاقوامی مسافر پروازیں 23 مارچ 2020 سے کورونا وائرس وبائی امراض کے پھیلنے کے بعد سے معطل ہیں۔ حالانکہ اس کے بعد بنائے گئے ایئر ببل انتظامات کے تحت جولائی 2020 سے ہندوستان اور تقریباً 45 ممالک کے درمیان خصوصی مسافر پروازیں چل رہی ہیں۔