یوم آزادی تقریبات: دہشت گردانہ خطرے سے آئی بی نے کیا الرٹ

یوم آزادی تقریبات: دہشت گردانہ خطرے سے آئی بی نے کیا الرٹ

(اردودنیانیوز٧٢)

نئی دہلی: ملک اس سال آزادی کی 75 ویں سالگرہ منانے جا رہا ہے۔ اس کے لیے تیاریاں زور و شور سے جاری ہیں۔ مرکزی حکومت نے آزادی کے امرت مہوتسو کے نام سے 15 روزہ پروگرام شروع کیا ہے، جس کے تحت ہر گھر میں ترنگا سمیت دیگر پروگرام تجویز کیے گئے ہیں۔

تاہم، دہشت گرد تنظیمیں حالات بگاڑنے کے درپے ہیں، جس کے بارے میں انٹیلی جنس ایجنسیوں نے دہلی پولیس کو الرٹ کر دیا ہے اور سخت چوکسی رکھنے کی ہدایت دی ہے۔ 15 اگست کو آئی بی نے دہلی پولیس کو الرٹ رہنے کی ہدایت دی ہے۔ انٹیلی جنس بیورو نے اپنی 10 صفحات کی رپورٹ میں دہشت گرد تنظیم لشکر طیبہ، جیش کے بارے میں معلومات دی جو دہشت گردانہ سازش کی منصوبہ بندی کر رہی ہیں۔

کہا جاتا ہے کہ آئی ایس آئی انہیں لاجسٹک مدد دے کر دھماکے کرنا چاہتی ہے۔ کئی سیاستدانوں، بڑے اداروں کو نشانہ بنایا جا سکتا ہے۔ آئی بی کے اس الرٹ میں جولائی کے مہینے میں سابق جاپانی وزیر اعظم شنزو آبے پر حملے کا بھی ذکر ہے۔

دہلی پولیس سے کہا گیا ہے کہ وہ 15 اگست کی تقریبات کے مقام پر داخلے کے سخت قوانین نافذ کرے۔ ادے پور اور امراوتی کے واقعہ کا حوالہ دیتے ہوئے انٹیلی جنس ایجنسیوں نے کہا کہ بنیاد پرست گروپوں اور بھیڑ والی جگہوں پر ان کی سرگرمیوں پر کڑی نظر رکھی جانی چاہئے۔

ایجنسی نے کہا کہ دہشت گرد تنظیمیں لشکر طیبہ اور جیش محمد بھی یو اے وی اور پیرا گلائیڈرز کا استعمال کر سکتی ہیں۔ اس لیے بی ایس ایف کو سرحد پر چوکس رہنے کو کہا گیا ہے۔ آئی بی نے اپنی رپورٹ میں کہا ہے کہ ان علاقوں پر نظر رکھی جائے جہاں روہنگیا اور افغان لوگ رہ رہے ہیں۔

دِل کی حفاظت___مفتی محمد ثناء الہدیٰ قاسمی

دِل کی حفاظت___

مفتی محمد ثناء الہدیٰ قاسمی

 

=========================

(اردودنیانیوز٧٢)

دو حرف کا ایک چھوٹا سا لفظ ’’دل‘‘، انسان کی ساری تگ ودو کا مرکز اور اعمال کا سر چشمہ ہے، یہ صالح رہتا ہے تو جسم سے اچھے اعمال کا صدور ہوتا ہے اور یہ بگڑگیا تو اعمال فساد وبگاڑ کے شکار ہو جاتے ہیں، گوشت کے اس چھوٹے سے ٹکڑے پر خیر وشر کا مدار ہے اور صوفیاء کے یہاں اصل زندگی دل کی زندگی ہے اور زندگی عبارت اسی کے جینے سے ہے، اسی لیے شاعر نے کہا ہے کہ’’ زندگی زندہ دلی کا نام ہے، مردہ دل کیا خاک جیا کرتے ہیں‘‘ اور یہ کہ ’’دل زندہ تو نہ مر جائے کہ زندگی عبارت ہے تیرے جینے سے‘‘۔

 حدیث میں آتا ہے کہ بندہ جب گناہ کرتا ہے تو اس کے دل پر ایک سیاہ دھبہ پڑجاتا ہے، پھر اگر اس نے توبہ کے پانی سے اسے دھو دیا تو قلب صاف ہوجاتا ہے اور اس میں نیکیوں کی فصل لگنے کی صلاحیت پیدا ہو جاتی ہے، لیکن اگر تو بہ کی توفیق نہیں ہوئی تو گناہ کرتے کرتے دل بالکل سیاہ ہوجاتا ہے، اس مرحلہ میں جانے کے بعد نیکیوں کی توفیق نہیں ہوتی اور اسکے دل، کان اور آنکھ پر مہر لگ جاتی ہے۔ اب اس کے پاس دل تو ہے؛ لیکن وہ سمجھتا نہیں؛ اس کے پاس آنکھ ہے؛ لیکن دیکھتا نہیں ، اور اس کے پاس کان ہے، لیکن سنتانہیں، اس کی اس حالت کی وجہ سے اس کا دل پتھر کی طرح سخت ہو جاتا ہے ؛بلکہ اس سے بھی زیادہ سخت ، کیوں کہ  پتھروں سے تو بسا اوقات چشمے پھوٹتے ہیں، اورنہریں جاری ہوتی ہیں، پانی نکل آتا ہے اور کبھی کبھی وہ خشیت الٰہی سے گر بھی پڑتے ہیں، لیکن یہ گوشت پوست کا انسان اس سے بھی گیا گزرا ہوجاتا ہے اور اس کے دل اللہ کی طرف متوجہ نہیں ہوتے ، اس کی آنکھیں آنسو نہیں بہاتیں اور اس کے کان اچھی باتوں کی طرف متوجہ نہیں ہوتے اور بالآخر وہ اپنی زندگی کے دن مکمل کرکے قبر میںجاسوتا ہے اور آخرت میںا س کے لیے درد ناک عذاب ہے ۔

دل کو جن چیزوں سے سخت نقصان پہونچتا ہے ، ان میں عناد ، کبر ، حسد ،بغض ،نفاق، کینہ بدگمانی چغل خوری ، جھوٹ اور مسلمانوں کے درمیان اختلاف کو ہوا دینا ہے، جس دل میں نفرت کی آگ جل رہی ہو ، اس میں محبت کے پودے نہیں لگاتا کرتے،  یہی حال کبر کا ہے ، کبر کے ساتھ اللہ کی عظمت جمع نہیں ہو تی ، ہر حال میں اللہ کی بڑائی کا اقرار ہی دل کی دنیا بدل سکتی ہے، اسی لیے اللہ کے رسول صلی ا للہ علیہ وسلم نے تواضع اور انکساری کی ہدایت کی ، تواضع دل کا ہی عمل ہے، یہ عمل جتنا مکمل ہوگا اللہ ورسول کے احکام وہدایت پر عمل کرنے کے لیے دل اسی قدر آمادہ وتیار ہوگا۔دل کو صالح رخ دینے میں عفو ودر گذر ، تحمل وبرداشت اور حسد وکینہ سے پاک ہونے کو خصوصی اہمیت حاصل ہے، ان اوصاف کے بغیر دل اس مقام ومرتبہ تک نہیں پہونچ سکتا ، جس کی امید ایک مؤمن سے کی جاتی ہے۔ 

 اس لیے دل کو دل بنانے کی کوشش کرنی چاہیے یہ آسانی سے نہیں بنتا ، لاکھ رگڑیں کھا کر دل ، دل بنتا ہے، بے راہ ری کے اس دور میں دل کی حفاظت بڑا کام ہے اور اس بڑے کام کے لیے سخت ریاضت اور’’ در د دل‘‘ کی ضرورت ہے ، بقول بہادر شاہ ظفر: درد دل کے واسطے پیدا کیا انسان کو، جہاں تک طاعت وبندگی کا سوال ہے وہ تو اللہ کی ہر مخلوق کر رہی ہے اور انسان سے زیادہ پابندی سے کر رہی ہے۔

 دل کو درست کرنے کے لئے اہل دل کی صحبت ومعیت ضروری ہے ، اللہ رب العزت نے ایمان والوں کو تقویٰ اور صدیقین کی صحبت اختیار کرنے کا حکم دیا ہے، دل میں محبت الٰہی اور خشیت خدا وندی پیدا کرنے کے لیے کسی ایسے کی صحبت میں رہنا چاہیے جو یہ آگ دل کی دنیا میں لگا سکے ، در اصل یہ آگ لگتی نہیں ، لگائی جاتی ہے، اور یہ کام وہی کر سکتا ہے جس کے دل میں یہ دولت وافرمقدار میں موجود ہو اوراسے اپنے ساتھ رہنے والے پراس دولت کے خرچ کا سلیقہ بھی آتا ہو ، بزرگوں کی خانقاہیں اور اہل اللہ کی گلیاں تجربہ سے ا س کام کے لیے ا نتہائی مفید ثابت ہوئی ہیں ، یہی وہ جگہ ہے جہاں سے وافر مقدار میں ’’دوائے دل‘‘ ملتی ہے، ضرورت تلاش کی ہے، جستجوکی ہے، صحیح اور فکر مند اہل اللہ کے دروازے پر پڑ ے رہنے کی ہے، میرے خیال میں یہ بات صحیح نہیں ہے کہ وہ جو بیچتے تھے دوائے دل ، وہ دوکان اپنی بڑھا گئے۔ تلاشیے ، شاید آپ کے قریب ہی کوئی دل کو صیقل کرنے والا موجود ہو۔

الحمدللہ تحفظ شریعت کی طرف مسلسل ماہ محرامحرام ۱۴۴۴ھ پروگرام سلسہ وار ابھی تک چل رہا ہے شاہی جامع مسجد پتھراباڑی کا پروگرام کامیاب رہا

الحمدللہ تحفظ شریعت کی طرف سے مسلسل ماہ محرامحرام ۱۴۴۴ھ پروگرام سلسہ وار ابھی تک چل رہا ہے 

شاہی جامع مسجد پتھراباڑی کا پروگرام کامیاب رہا

(اردودنیانیوز٧٢)

زیرصدارت حضرت مولانا محمد نظام الدین صاحب مہتمم مدرسہ مفتاح العلوم ہرواچوک نے فرمائی تلاوت قاری مظفر صباء انجم نے کی نعت پاک شاعر اسلام مولانا فیاض راہی ڈاریکٹر اقرأ اکیڈمی سونا پور نے پیش کیا مقرر خصوصی حضرت مولانا و مفتی محمد ارشد صاحب مظاہری استاذ حدیث دارلعلوم شیخ زکریا دیوبند ، مفتی محمد سعود صاحب قاسمی دلمال پور ، مولانا عبدالسلام عادل ندوی ڈاریکٹر سر سید ایکڈمی جوکی ہاٹ ، مولانا و ماسٹر محمد نظام الدین صاحب پتھراباڑی، مولانا محمد نوشاد صاحب مظاہری مہتمم مدرسہ تبلیغ الاسلام بارااستمبرار ، مفتی محمد اطہر حسین قاسمی صاحب مہتمم مدرسہ یتیم خانہ انوار العلوم کاشی باڑی ، ماسٹر ابوالبشر صاحب ڈہٹی پلاسی ، قاری محمد الیاس صاحب مہتمم جامعہ محمدیہ ہاٹگاوں مولانا محمد توحید صاحب مظاہری مہتمم جامعہ عائشہ صدیقہ للبنات بارااستمبرار ، مولانا محمد مشتاق صاحب چترویدی ، اس کے علاوہ قاری محمد زبیر صاحب بارااستمبرار ، قاری عبدالقدوس صاحب بھیبھرا، قاری محمد منظور صاحب بوریا، قاری محمد ابوذر غفاری صاحب مہتمم مدرسہ امداد العلوم عیدگاہ ہردار بھیلا گنج ،حافظ محمد امیر الدین رانی ،قاری عبدالکریم مہتمم مدرسہ تجوید القرآن کرہوبنا ، قاری عبدالحلیم صاحب درشنا ، مفتی محمد مجیب الرحمٰن صاحب ، مولانا شاہ جمال صاحب ، عبدالقدوس صاحب راہی آفسیٹ بھیبھرا چوک ، قاری محمد امتیاز صاحب ڈاریکٹر امام الہند بھیبھرا چوک ، مولانا تاج الدین صاحب ، حافظ محمد رفیق صاحب ،حافظ عبدالسلام صاحب ، اس کے علاوہ تحفظ شریعت اکثر ممبران اور گاؤں کے اکثر لوگ موجود رہے عبدالوارث مظاہری سکریٹری تحفظ شریعت و ویلفیئر سوسائٹی جوکی ہاٹ و پلاسی ارریہ

9686759181

امارت شرعیہ سے ماہانہ وظیفہ پانے والے قدیم محتاجان و بیوگان20 محرم 1444 ہجری تک تجدید کے لیے درخواست جمع کریں:محمد شبلی القاسمی

امارت شرعیہ سے ماہانہ وظیفہ پانے والے قدیم محتاجان و بیوگان20 محرم 1444 ہجری تک تجدید کے لیے درخواست جمع کریں:محمد شبلی القاسمی

 (اردودنیانیوز٧٢)

(پریس ریلیز03 اگست 2022) امارت شرعیہ کے قائم مقام ناظم جناب مولانامحمد شبلی القاسمی صاحب نے اپنے ایک  پریس بیان میں کہا ہے کہ امارت شرعیہ ایک عظیم ملی وفلاحی ادارہ ہے،یہاں سے دیگر اہم کاموں کی طرح محتاجگان کی وقتی امداد کے ساتھ حضرت امیر شریعت کی منظوری سے باضابطہ ماہانہ وظیفہ بذریعہ بینک دیا جاتا ہے،اس سلسلہ میںامیر شریعت بہار، اڈیشہ وجھارکھنڈ حضرت مولانا احمد ولی فیصل رحمانی صاحب دامت برکاتہم کی ہدایت کے مطابق نئے سال 1444 ہجری کیلئے وظائف کی درخواستیں وصول کرنے کی کارروائی شروع کی جارہی ہے،اس لئے امارت شرعیہ سے جن بیواؤں اور محتاجوں کو ماہانہ وظیفہ ملتا آرہا ہے ؛اگر ان کی ضرورت واقعی باقی ہے، وہ مدد کے محتاج ہیں  اور آئندہ اپناوظیفہ جاری رکھوانا چاہتے ہیں تو تجدیدکا فارم بھر کر اپنے آدھار کارڈ اور بینک پاس بک کی کاپی کے ساتھ20 محرم الحرام1444 تک  امارت شرعیہ بھیج دیں ۔ وظیفہ فارم میں موجودسبھی خانوںکو صاف صاف بھریں ،اگر خود سے نہ بھر سکیں تو کسی جانکار سے بھر والیں، خاص طور سے اکاؤنٹ کی تفصیلات(اکاؤنٹ میں موجودنام، اکاؤنٹ نمبر، بینک کا نام ، بینک کاپتہ،آئی ایف سی کوڈ) صاف صاف بھریں، وظیفہ کا فارم امارت شرعیہ کے مرکزی دفتر سے یا اپنے ضلع کے دار القضائ سے حاصل کر لیں اور علاقہ کے قاضی، ارکان شوریٰ، گاؤں کے نقیب ،بلاک یا ضلع کمیٹی کے صدر ،سکریٹری یا معزز شخصیات سے تصدیق بھی کرا لیں اور بذریعہ پوسٹ یادستی ناظم امارت شرعیہ پھلواری شریف،پٹنہ۔801505 کے پتے پر بھیجیں ۔ یاد رکھیں جن کی تجدید کی درخواست موصول نہیں ہو گی ان کا وظیفہ آئندہ سال1444  ہجری کے لیے جاری نہیں ہوگا۔مزید معلومات کے لیے 0612-2555668,  اور 8298969227، 7903621729پر رابطہ کریں۔ یہ اطلاع دفتر نظامت سے مولانا محمد ارشد رحمانی آفس سکریٹری امارت شرعیہ نے دی ہے۔

پرتاپ گڑھ: محرم کے عارضی گیٹ پر تنازعہ، رکن اسمبلی راجا بھیا کے والد کا دھرنا، علاقہ میں کشیدگی

پرتاپ گڑھ: محرم کے عارضی گیٹ پر تنازعہ، رکن اسمبلی راجا بھیا کے والد کا دھرنا، علاقہ میں

 کشیدگی

(اردودنیانیوز٧٢)

پرتاپ گڑھ: اتر پردیش میں پرتاپ گڑھ ضلع کی تحصیل کنڈہ کے احاطہ میں شہ زور ایم ایل اے راجا بھیا کے والد کنور ادے پرتاپ سنگھ شیخ پور عاشق میں یکم محرم پر تعمیر گیٹ کو ہٹانے کے مطالبہ کو لے کر دھرنے پر بیٹھے ہیں۔ جہاں ایس ڈی ایم کنڈہ وغیرہ انتظامیہ موجود ہے اور درمیان کا راستہ نکالنے کے لئے کوشاں ہے۔ وہیں ادے پرتاپ سنگھ گیٹ ہٹانے سے قبل دھرنا ختم نہیں کرنے پر بضد ہیں۔محرم کے عارضی گیٹ کے خلاف دھرنا دیتے راجا بھیا کے والد ادے پرتاپ سنگھ / ٹوئٹر

ٹحصیل کنڈہ کے سب ڈسٹرکٹ مجسٹریٹ ستیش ترپاٹھی نے بتایا کہ خصوصی طبقے کے لوگ یکم محرم سے دس محرم تک مجالس اور جلوس کا اہتمام کرتے ہیں۔ اس ضمن میں شیخ پور عاشق گاؤں میں مسجد کے نزدیک ایک عارضی گیٹ بنایا گیا ہے، جو دسویں محرم کے بعد ہٹا دیا جاتا ہے۔ گیٹ پر کنور ادے پرتاپ سنگھ کو اعتراض ہے۔ گیٹ کو ہٹانے کو لے کر وہ دھرنے پر بیٹھے ہیں، بات چیت کی جا رہی ہے، کوشش ہے کہ کسی کے جذبات مجروح نہ ہوں۔

ادھر، دھرنے پر بیٹھے کنور ادے پرتاپ سنگھ کا کہنا ہے کہ گیٹ کے نیچے سے ہندووں کے گزرنے سے ان کے جذبات مجروح ہوں گے، اس لئے ان کا مطالبہ ہے کہ گیٹ کو ہٹایا جائے۔ جب تک گیٹ ہٹایا نہیں جاتا ،وہ دھرنے سے نہیں اٹھیں گے۔

انہوں نے انتظامیہ پر الزام عائد کیا ہے کہ ان کے مطالبات پر کوئی سماعت نہیں کی جا رہی ہے۔ وزیر اعلی کو دو روز قبل ٹوئٹ کر گیٹ ہٹانے کا مطالبہ کیا گیا تھا پر کوئی کارروائی نہیں ہوئی، اس لئے وہ دھرنے پر بیٹھے ہیں۔ جبکہ مسلمانوں کا کہنا ہے کہ ہر سال محرم کے موقع پر ادے پرتاپ سنگھ ان کے مذہبی جذبات کو مجروح کرنے کے لئے رخنہ پیدا کرتے ہیں۔ گیٹ مسجد کے نزدیک بنایا گیا ہے، جو دسویں تاریخ کے بعد ہٹا دیا جائے گا۔ گیٹ کو ہٹانے کے مطالبہ پر علاقے میں کشیدگی ہے۔

بہار کی ندیوں میں طغیانی سے بڑھا سیلاب کا خطرہ

بہار کی ندیوں میں طغیانی سے بڑھا سیلاب کا خطرہ

(اردودنیانیوز٧٢)

نیپال میں مسلسل بارش کی وجہ سے بہار کی ندیوں میں طغیانی ہے ۔ اس کے ساتھ ہی محکمہ موسمیات نے بہار میں آئندہ 24 گھنٹوں کے لیے الرٹ جاری کیا ہے ۔ بدھ کے روز پورے بہار میں بارش کی قیاس آرائی کی گئی ہے۔ آندھی طوفان کے ساتھ گرج چمک کے ساتھ بارش کا امکان ہے۔

محکمہ موسمیات نے پورے بہار میں دو طرح کے موسم کی پیش گوئی کی ہے۔ پہلی موسلادھار بارش کے ساتھ بجلی اور بادلوں کے گرجنے والے اضلاع میں سیتامڑھی ، مدھوبنی ، سوپول ، ارریہ اور کشن گنج ہیں۔ آسمانی بجلی اور آندھی طوفان کے ساتھ دوسری درمیانی بارش کے ساتھ 34 اضلاع پر مشتمل ہے جن میں پٹنہ ، دربھنگہ ، گیا ، مظفر پور اور بھاگلپور شامل ہیں۔ محکمہ موسمیات کے مطابق بدھ کی صبح 3 بجے سے شام 4 بجے تک اور رات 9 بجے کے بعد رات بھر بارش کا امکان ہے ۔

گزشتہ دو دنوں سے بہار کے کچھ اضلاع میں موسلادھار بارش ہوگی اور کچھ اضلاع میں درمیانی بارش ہوگی۔ اس سے سیلاب کا خطرہ بڑھ گیا ہے۔ کوسی ، گنڈک اور باگمتی ندیاں خطرے کے نشان سے اوپر ہیں۔ پٹنہ میں بھی گنگا کے پانی کی سطح تیزی سے بڑھ رہی ہے۔ اس کے پیش نظر محکمہ آبی وسائل ہائی الرٹ پر ہے۔

کوسی ندی میں پانی کی سطح خطرے کے نشان سے اوپر بہہ رہی ہے۔ اس لیے سوپول کے ویر پور بیراج کے 56 میں سے 35 دروازے کھول دیے گئے ہیں۔ بیراج سے 2 لاکھ 29 ہزار کیوسک پانی چھوڑا جا رہا ہے ۔ پشتوں پر پانی کا شدید دباؤ ہے۔ اس کی وجہ سے سوپول اور سہرسہ کے نشیبی علاقوں میں سیلاب کا پانی گھروں میں داخل ہو گیا ہے۔سوپول کے کشن پور بلاک میں دوبیہی موجاہ مین سڑک ٹوٹ گئی ہے۔ نرملی بلاک کے 200 ایکڑ دھان کی فصل زیر آب آگئی ہے۔ سوپول میں مغربی کوسی پشتے کے ریٹائر ڈیم کی رفتار گر گئی ہے۔

سیمانچل علاقے میں مہانندا ندی بھی کئی مقامات پر خطرے کے نشان سے اوپر بہہ رہی ہے۔ مہانندا کا پانی کٹیہار کے اعظم نگر کے نصف درجن سے زیادہ گاؤں میں داخل ہو گیا ہے۔ کنکئی اور پرمان ندیوں کے پانی کی سطح بھی مسلسل بڑھ رہی ہے۔

گنڈک ندی میں پانی کے شدید دباؤ کی وجہ سے بالمیکی نگر بیراج پر منڈلاتے خطرے کے پیش نظر اس کے تمام 36 دروازے کھول دیے گئے ہیں۔ بالمیکی نگر بیراج سے مسلسل تین لاکھ کیوسک پانی چھوڑا جا رہا ہے۔ دیر رات یہ 3.17 لاکھ کیوسک تک چلا گیا تھا ۔ اس سے گوپال گنج میں سیلاب کا خطرہ بڑھ گیا ہے۔ صدر اور مانجھا بلاک کے کئی گاؤں زیر آب آگئے ہیں۔ دونوں بلاکوں کے کئی گاؤں سے سڑک کا رابطہ منقطع ہو گیا ہے۔ پترہ چھرکی ، تھانہ مسان، چرکی اور دیہی پشتوں پر ندیوں کا شدید دباؤ ہے۔ بالمیکی نگر ٹائیگر ریزرو (VTR) میں بھی گنڈک کے پانی کے داخل ہونے کی وجہ سے جنگلی جانور رہائشی علاقوں میں داخل ہو رہے ہیں۔

پٹنہ کے گاندھی گھاٹ پر گنگا خطرے کے نشان کی طرف بڑھ رہی ہے۔ سون اور پن پن ندیوں میں بھی تیزی ہے، گنگا ندی کے پانی کی سطح بھی مسلسل بڑھ رہی ہے۔ بھاگلپور کے کہلگاؤں میں گنگا خطرے کے نشان سے صرف 31 سینٹی میٹر نیچے ہے۔ مونگیر میں گنگا کی پانی کی سطح خطرے کے نشان سے 2.83 میٹر نیچے ہے۔ تیز کٹاؤ سے تین درجن سے زائد گاؤں خطرے میں ہیں۔ حالانکہ محکمہ آبی وسائل الرٹ مودمیں ہے۔

.............اعلان۔۔۔۔۔۔۔۔۔۔۔۔۔۔۔۔۔ محترم ومکرم جناب۔۔۔۔۔۔۔۔۔دامت برکاتہم امید کہ خیروعافیت ہونگے۔تحفظ شریعت و ویلفیر سوساٸٹی جوکی ہاٹ و پلاسی کی جانب سے ماہ محرم الحرام

.............اعلان۔۔۔۔۔۔۔۔۔۔۔۔۔۔۔۔۔ 

محترم ومکرم جناب۔۔۔۔۔۔۔۔۔دامت  برکاتہم 

 امید کہ خیروعافیت ہونگے۔

(اردودنیانیوز٧٢)

تحفظ شریعت و ویلفیر سوساٸٹی جوکی ہاٹ و پلاسی  کی جانب سے ماہ محرم الحرام حقاٸق.فضاٸل اورخرافات وبدعات کے عنوان پر  بتاریخ 3/ اگست بروز بدھ بوقت عصر تاعشاء بمقام شاہی جامع مسجد پتھراباڑی میں یک روزہ اجلاس عام منعقد کیا گیا ہے۔۔

جسمیں 

زیرقیادت:- حضرت مولانا محمد نظام الدین صاحب مہتمم مدرسہ مفتاح العلوم ہرواچوک 

مقرر خصوصی حضرت مولانا و مفتی انعام الباری صاحب قاسمی مہتمم مدرسہ تنظیم المسلمین رجوکھر

قاری جسیم الدین صاحب حسامی نمائندہ قومی تنظیم پٹنہ

مولانا محمد کونین صاحب مظاہری بارااستمبرار 

مفتی محمد ارشد صاحب مظاہری استاذ حدیث دارلعلوم شیخ زکریا دیوبند

مولانا محمد نعمان صاحب قاسمی خطیب جامع مسجد جوکی ہاٹ

مولانا عبدالسلام عادل ندوی صاحب ڈاریکٹر سر سید ایکڈمی جوکی ہاٹ 

شاعر حضرت مولانا فیاض احمد راہی صاحب سونا پور 

تشریف لا رہے ہیں 

آپ تمامی حضرات سے زیادہ سے زیادہ تعداد میں

شرکت کی درخواست ہے۔

           فقط والسلام 

عبدالوارث مظاہری

 سکریٹری تحفظ شریعت 9686759181