حکومت نے میڈیکل، ڈینٹل کورسز میں او بی سی کیلئے 27فیصد اورای ڈبلیوایس کیلئے 10فیصد ریزرویشن کا اعلان کیا
اس فیصلے سے ایم بی بی ایس میں تقریبا 1 1500 او بی سی طلبہ اور پوسٹ گریجویشن میں 2500 او بی سی طلبہ اور ایم بی بی ایس میں 550طلبہ اور پوسٹ گریجویشن میں تقریبا 1000ای ڈبلیو ایس طلباء کو فائدہ ہوگا۔وزارت نے کہا کہ موجودہ حکومت پسماندہ طبقات اور معاشی طور پر کمزور طبقات دونوں کو مناسب ریزرویشن کی فراہمی کے لئے پرعزم ہے۔ مرکزی حکومت نے اب آل انڈیا ریزرویشن اسکیم کے تحت او بی سی کے لئے 27 فیصد اور ای ڈبلیو ایس کے لئے 10 فیصد ریزرویشن فراہم کرنے کا تاریخی فیصلہ لیا ہے۔
آل انڈیا ریزرویشن اسکیم کے تحت اب ملک بھر میں او بی سی طلبہ اس ریزرویشن کا فائدہ حاصل کرسکیں گے۔ مرکزی اسکیم ہونے کی وجہ سے اس ریزرویشن کے لئے اوبی سی سے متعلق مرکزی فہرست کو استعمال کیا جائے گا۔
کوئی تبصرے نہیں:
ایک تبصرہ شائع کریں