چین میں کورونا وائرس کے 53 نئے کیسز رپورٹ ہوئے ہیں

(اردو اخبار دنیا)بیجنگ: چین میں کورونا وائرس کے 53 نئے کیسز رپورٹ ہوئے ہیں۔ یہی وہ ملک ہے جہاں سے پوری دنیا میں جان لیوا اور ہلاکت خیز وبا دنیا بھر میں پھیلی ہے۔نیشنل ہیلتھ کمیشن نے اتوار کو اپنی یومیہ رپورٹ میں یہ اطلاع دی۔ نئے کیسز میں سے 30 ژیانگ سو سے ، 12 ہینان سے ، چار ہونان سے ، تین یونان سے اور ایک ایک بالترتیب فوزیان ، شان ڈونگ ، ہوبئی اور ننگژیا سے ہے۔
اس کے علاوہ ، 22 نئے امپورٹڈ کیسز رپورٹ ہوئے ہیں جن میں سے سات یونان میں ، پانچ شنگھائی میں ، تین تیانجن میں ، بالترتیب اندرونی منگولیا اور گوانگ ڈونگ میں دو دو اور جیانگ ، ہینان اور سیچوان میں ایک ایک کیس رپورٹ ہوئے ہیں۔

مرکز کے مطابق شنگھائی میں ایک مشتبہ کیس سامنے آیا ہے جو باہر سے آیا ہے۔ہفتے تک ملک میں مجموعی طور پر 7432 امپورٹڈ کیس رپورٹ ہوئے۔ ان میں سے 6762 کو صحت یابی کے بعد ہسپتالوں سے ڈسچارج کیا گیا اور 670 ہسپتال میں زیر علاج ہیں ۔ درآمدی کیسز میں کسی اموات کی اطلاع نہیں ملی ہے۔ملک میں کورونا کیسز کی کل تعداد ہفتہ تک 93005 تک پہنچ گئی ، جس میں 1022 مریض زیر علاج ہیں جن میں سے 25 کی حالت تشویشناک بتائی جارہی ہے۔ چین کے ہسپتالوں سے اب تک مجموعی طور پر 87347 مریض ڈسچارج ہو چکے ہیں اور وائرس سے 4636 افراد ہلاک ہو چکے ہیں۔