دردناک سڑک حادثہ، تین دن کی دلہن موت کی آغوش میں
بیٹی کی خوشیوں کے ارمان کے ساتھ باپ بھی ہلاک، شوہر اور دیگر زخمی، ضلع نرمل میں واقعہ
نرمل:(اردودنیانیوز۷۲) جہاں بجتی ہے شہنائی وہاں ماتم بھی ہوتے ہیں۔ ایک دلہن جس کے ہاتھوں میں ابھی مہندی کا رنگ پوری طرح چڑھا بھی نہیں تھا کہ وقت کے بے رحم ہاتھوں نے موت کی آغوش میں لے لیا۔ والد کے اپنی بیٹی کو ڈولی میں وداع کرنے کے بعد کی خوشیوں کا خواب چکنا چور ہی نہیں بلکہ خود بھی چل بسے۔ تفصیلات کے بموجب کل رات یعنی صبح کی اولین ساعتوں ایک بجکر 15 منٹ پر پولیس کو 100 ڈائیل کال وصول ہوا ۔ کال موصول ہوتے ہی سب انسپکٹر کڑم پولیس اسٹیشن مسٹر راجو اپنے عملے کے ساتھ مقام واقعہ روانہ ہوئے جبکہ موقع پر تین دن کی دلہن مونیکا اور اس کے والد راجنا کی موت واقع ہوگئی تھی جبکہ اس کے شوہر جناردھن اور ایک دوست کے علاوہ ڈرائیور زخمی ہوگیا تھا جسے پولیس نے فوری سرکاری دواخانہ منتقل کردیا۔ یہ واقعہ کڑم پولیس اسٹیشن کے حدود پانڈوایوا میں پیش آیا۔ سب انسپکٹر پولیس کڑم مسٹر راجو نے ضابطہ کی کارروائی کرتے ہوئے مقدمہ درج رجسٹر کرکے تحقیقات کا آغاز کردیا ہے۔ حادثہ کی تحقیقات باریک بینی سے کی جارہی ہیں۔ تاہم دولہن کی ازدواجی خوشیاں خاک میں مل گئی۔ والد کے ارکان اپنی جگہ لیکن وہ بھی اس حادثہ میں ہلاک ہوگیا-
کوئی تبصرے نہیں:
ایک تبصرہ شائع کریں