ماں نے اپنے دو بیٹوں کا گلا کاٹ دیا ، ایک کی موت

07/08/2021

مرادآباد:07اگست:(اردواخباردنیا)اترپردیش کے ضلع #مرادآباد کے مونڈھا پانڈے تھانہ علاقے کے گھوسی پورا گاؤ ں میں ایک ماں نے ہی پہلے اپنے دو معصوم بیٹوں کو چاقو سے گلا  کاٹ دیا اور پھر خود کو بھی چاقو سے زخمی کرلیا۔ اس واقعہ میں چھوٹے بیٹے کی موت ہوگئی جبکہ دیگر دونوں زخمی ہوگئے۔پولیس کے مطابق گھوسی پورا باشندہ دویندر پتیل فرم میں پیکنگ کا ٹھیکیدار ہے۔ اس کے کنبے میں بیوی کے علاوہ دو بیٹے دکش(08) اور آردش عرف رکش(04) ہیں۔بتایا جاتا ہے کہ میاں بیوی کے درمیان معاشی تنگی کی وجہ سےاکثر تنازع ہوتارہتا ہے۔اور بیوی کی خواہش تھی کی شوہر دویندر یہ کام چھوڑ کر کوئی اور کام پکڑ لے جس سے گھر کا کاروبار چل سکے۔اس بات کے سلسلے میں ہفتہ کو دونوں کے درمیان کچھ کہا سنی ہوگئی۔

#پریتی نے #ناراض ہوکر اپنے دونوں بیتوں کی گردن چاقو سے کاٹ دی۔ اس واقعہ میں چھوٹے بیٹے آدرش عرف نکش کی موقع پر ہی موت ہوگئی جبکہ دوسرا بیٹا زخمی ہوگیا۔ خاتون نے خود کو بھی چاقو مار کر خودکشی کی کوشش کی۔اطلاع ملتے ہی موقع پر پہنچی پولیس نے زخمی #ماں ۔بیٹے کو سرکاری اسپتال میں علاج کے لئے داخل کرایا۔جہاں #نازک حالت میں دونوں کو نزد  واقع ٹی ایم یو میں داخل کرایا گیا ہے۔جہاں دونوں کی حالت نازک بتائی جاتی ہے۔

ایس پی شہر امت آنند نے بتایا کہ خاتون نے گھریلو #تنازع میں اس واقعہ کو انجام دیا ہے۔ہر پہلو کی باریکی سے جانچ کی جارہی ہے۔جانچ میں جو بھی حقائق سامنے آئیں گے اسی بنیاد پر آگے کی کاروائی کی جائےگی۔زخمی خاتون اور اس کے بیٹے کا علاج چل رہا ہے۔ چھوٹے بیٹے کی نعش کو پوسٹ #مارٹم کے لئے بھیج دیا گیا ہے۔ تحریر ملتے ہی مقدمہ #درج کرلیا جائےگا