اکھلیش یادونے وزیراعلیٰ کوزبان پرقابورکھنے کامشورہ دیا-ملائم کو’ ابا جی‘ کہنے پر اکھلیش برہم

07/08/2021

لکھنؤ7اگست:(اردواخباردنیا)سماج وادی پارٹی کے صدر اکھلیش یادو نے ہفتہ کو پارٹی کا تھیم سانگ جاری کیا۔ اس موقع پر #اکھلیش نے وزیر اعلیٰ یوگی آدتیہ ناتھ کو اپنی زبان پرقابورکھنے کامشورہ بھی دیا۔انہوں نے کہاہے کہ اگر آپ میرے والدپر کچھ کہتے ہیں تو اپنے والد کے بارے میں بھی سننے کے لیے تیار رہیں۔ وزراء بھی وزیر #اعلیٰ کی زبان سے سیکھ رہے ہیں سربراہ اکھلیش یادو نے اترپردیش کے وزیر اعلی #یوگی آدتیہ ناتھ کے ذریعہ ایک ٹی وی چینل کے ساتھ انٹرویو کے درمیان #ملائم سنگھ کے لئے ’ابا جی‘ کا لفظ استعمال کرنے پر سخت اعتراض کا اظہار کرتےہوئے یوگی کی تنقید کی ہے۔

پیر کو ناراض اکھلیش یادو نےایک پریس میٹ میں کہا کہ’بی جے پی کے وزیر اعلی کو اپنی زبان پر کنٹرول رکھنا چاہئے۔ گذشتہ کل ہم نے ایک چینل پر ان کا انٹر ویو سنا۔ہم آپس میں کچھ مسائل پر الجھ سکتے ہیں۔لیکن اگر آپ ہمارے والد کو کچھ کہیں گے تو پھر تیار رہئے ہم بھی آپ کے والد کو کچھ کہیں گے۔اس لئے وزیر اعلی اپنی زبان کو کنٹرول میں رکھیں ۔سی ایم یوگی نے طنز کرتے ہوئے کہا تھا کہ ان کے والد(ملائم سنگھ یادو)کہتے تھے کہ وہاں (ایودھیا میں) وہ پرندوں کو مارنے نہیں دیں گے ، لیکن اب رام #مندر کی تعمیر وہاں شروع ہوچکی ہے۔

اکھلیش یادونے کہاہے کہ بی جے پی نے کہاکہ 2022 تک ہم کسان کی آمدنی کو دوگنا کردیں گے۔ بی جے پی کو بتانا چاہیے کہ آج کسانوں کی آمدنی کیا ہے؟ کسانوں کی آمدنی دوگنی کب ہوگی؟ ایس پی حکومت میں امول کے دوپلانٹ تھے۔ گجرات کے ساتھ ان کے اچھے تعلقات ہیں ،پھر نئے #دودھ کے پلانٹ کیوں نہیں لگائے گئے؟ اتر پردیش کے کسانوں کا دودھ امول پلانٹ میں کیوں نہیں لیا جا رہاہے؟