ناندیڑ:17 ستمبر۔ (اردو دنیا نیوز۷۲)اردوگھر ناندیڑ کی لائبریری کےلئے اہل خیرحضرات کی جانب سے کتب کاعطیہ موصول ہونا شروع ہوگیا ہے ۔گزشتہ ہفتہ محمدخاں صدر مہاراشٹر اقلیتی شعبہ راشٹروادی کانگریس پارٹی نے 25نئی کتب عطیہ میں دی ہیں ۔ ان کتب میں مسابقتی امتحانات جیسے یوپی ایس سی ‘ایم پی ایس سی‘وغیرہ کی تیاری کےلئے پڑھی جانیوالی کتابیں شامل ہیں۔
یہ تمام کتب مراٹھی اورانگریزی زبان کی ہیں ۔ اس طرح شہر ناندیڑ کے ساکن مرحوم شیخ چاند موظف پولس انسپکٹر کی جانب سے بھی 168 کتابیں‘ لائبریری کوبطور عطیہ دی گئی ہیں۔ اردوگھر کی ثقافتی کمیٹی کی جانب سے کتب کے عطیہ کی اپیل کی گئی ہے جس کا مثبت اثردیکھنے میں آرہا ہے ۔ ثقافتی کمیٹی اور ذیلی ثقافتی کمیٹی اہل خیر حضرات سے پھر ایکبار پُرخلوص گزارش کرتی ہے کہ وہ اردو گھر کی لائبریری کےلئے اپنی پرانی اور نئی کتب عطیہ میں دیں۔
لائبریری میں روزانہ شائع ہونے والے اردو ‘مراٹھی ‘ہندی اورانگریزی کے جملہ 22اخبارات آرہے ہیں ۔ یہ اخبارات عوام کے مطالبہ کےلئے روزانہ صبح8بجے تا 10بجے صبح اورشام میںپانچ بجے تا8 بجے شب رکھے جارہے ہیں ۔عوام الناس ا ن اخبارات سے استفادہ کریں
کوئی تبصرے نہیں:
ایک تبصرہ شائع کریں