لاک ڈاون کے نقصانات کی پابجائی کیلئے حکومتیں کمربستہ

لاک ڈاون کے نقصانات کی پابجائی کیلئے حکومتیں کمربستہ

جی ایس ٹی قوانین کی خلاف ورزی کرنے والوں کے خلاف دھاوے شروع

حیدرآباد ۔ 22 اگسٹ (اردو اخبار دنیا) گذشتہ دو برسوں میں ریاستی ومرکزی حکومتوں کو لاک ڈاؤن اور کورونا وائرس سے جو معاشی نقصانات ہوئے ہیں اب ان کی پابجائی کیلئے اقدامات شروع ہوگئے ہیں ۔ ذرائع کے مطابق مرکزی و ریاستی حکومت نے جی ایس ٹی آمدنی میں اضافہ کیلئے تجارتی مراکز پر دھاوے کرنے شروع کردیئے ہیں ۔ کہا جا رہاہے کہ دھاؤوں میںمزید شدت پیدا کرکے آمدنی میں اضافہ پر توجہ دی جائیگی ۔ حکومت تلنگانہ کے خزانہ کی صورتحال کو دیکھتے ہوئے محکمہ کمرشیل ٹیکس کی جانب سے450 کروڑ کی آمدنی میں اضافہ کا منصوبہ تیارکیا گیا ہے ۔ دونوں شہر وں حیدرآباد و سکندرآباد کے علاوہ سرحدی اضلاع جہاں مختلف ریاستوں سے کئی اشیاء لائی جاتی ہیں ان پر خصوصی نظر رکھنے کا فیصلہ کیا گیا ہے۔علاوہ ازیں شہر کے شاپنگ مالس اور بڑے اسٹورس میں بھی جی ایس ٹی قوانین کی خلاف ورزی پر کارروائیوں میں شدت پیدا کی جا رہی ہے ۔ جی ایس ٹی قوانین کی خلاف ورزی کرنے والوں کے خلاف کارروائی میں دیگر محکمہ جات سے مدد لی جائے گی۔ بتایاجاتاہے کہ جی ایس ٹی اور محکمہ کمرشیل ٹیکس کے عہدیدار جلد ہی تجارتی اداروں میں جی ایس ٹی قوانین کی خلاف ورزی کا جائزہ لینے بلدیہ سے رجوع ہو کر تجارتی لائسنس کی تفصیلات حاصل کریں گے اور پھر تجارتی اداروں پر دھاوے کرکے جی ایس ٹی قوانین پر عمل آوری کے سلسلہ میں جائزہ لیا جائے گا ۔ جی ایس ٹی ریٹرنس داخل نہ کرنے والوں کے خلاف کاروائی جائے گی۔جی ایس ٹی عہدیداروں کے مطابق شہر ہی نہیں بلکہ ریاست کے دیگر مقامات پر بھی جی ایس ٹی قوانین کی خلاف ورزی کی متعدد شکایات موصول ہورہی ہیں اور ان کو دور کرنے اور ریاستی و مرکزی حکومت کی آمدنی میں اضافہ کیلئے محکمہ کمرشیل ٹیکس کے ساتھ مشترکہ کاروائی کی جائیگی اسکے علاوہ محکمہ اوزان وپیمائش کی بھی مدد حاصل کرکے عوام سے ٹیکس وصول کرکے حکومت کو جمع نہ کروانے والوں کے خلاف کارروائی کی جائیگی۔بتایاجاتا ہیکہ عہدیداروں نے اس سلسلہ میں وسیع منصوبہ کے ساتھ کاروائیوں کا فیصلہ کیا ہے اور جی ایس ٹی عہدیداروں کو بھی ساتھ رکھنے کا فیصلہ کیا گیا ہے

حیدرآباد میں صد فیصد ٹیکہ اندازی کیلئے آج سے خصوصی مہم کا آغاز

حیدرآباد میں صد فیصد ٹیکہ اندازی کیلئے آج سے خصوصی مہم کا آغاز

گھر گھر سروے کا منصوبہ، ٹیکہ اندازی کیلئے 150 خصوصی ٹیمیں،مکمل ٹیکہ اندازی کے شہر میں تبدیلی کا عزم
حیدرآباد۔/22 اگسٹ، (اردو اخبار دنیا) کورونا وباء پر قابو پانے کیلئے ٹیکہ اندازی کے معاملہ میں گریٹر حیدرآباد ملک میں نئی تاریخ رقم کرنے کی تیاری کررہا ہے۔ گریٹر حیدرآباد میونسپل کارپوریشن اور محکمہ صحت کی جانب سے کل 23 اگسٹ سے شہر میں باقاعدہ مہم چلائی جائے گی اور ان تمام افراد کو ٹیکہ اندازی میں شامل کیا جائے گا جنہوں نے اب تک کورونا ویکسین کی خوراک حاصل نہیں کی ہے۔ کمشنر جی ایچ ایم سی اور دیگر عہدیداروں کو چیف سکریٹری سومیش کمار نے گریٹر حیدرآباد کو صدفیصد ٹیکہ اندازی کے شہر میں تبدیل کرنے کی ہدایت دی ہے۔ پیر سے کم از کم 10 دن تک عہدیدار گھر گھر پہنچ کر سروے کریں گے اور اس بات کا پتہ چلائیں گے کہ ٹیکہ اندازی میں حصہ نہ لینے والے افراد کی تعداد کتنی ہے۔ ایسے افراد کیلئے ٹیکہ اندازی کا انتظام کیا جائے گا۔عہدیداروں نے بتایا کہ محکمہ جات صحت ، جی ایچ ایم سی اور کنٹونمنٹ بورڈ کے عہدیدار مشترکہ طور پر ویکسین کی مہم گریٹر حیدرآباد اور کنٹونمنٹ کے حدود میں چلائیں گے۔ گریٹر حیدرآباد کے حدود میں موجود 4846 کالونیوں اور بستیوں کے علاوہ کنٹونمنٹ کے 360 علاقوں اور کالونیوں میں یہ خصوصی مہم چلائی جائے گی۔ گریٹر حیدرآباد میں ابھی تک 70 فیصد سے زائد 18 سال سے زائد عمر کے افراد نے کورونا کا پہلا ٹیکہ حاصل کرلیا ہے۔ عہدیدار مابقی افراد کی ٹیکہ اندازی کے ذریعہ صد فیصد ویکسنیشن کو یقینی بنائیں گے۔ گریٹر حیدرآباد کے حدود میں 175 خصوصی گاڑیوں کا انتظام کیا گیا ہے جن میں طبی عملہ رہے گا جو مابقی افراد کی ٹیکہ اندازی میں حصہ لیں گے۔ کنٹونمنٹ کے حدود میں 25 خصوصی گاڑیوں کا انتظام کیا گیا ہے۔ آئندہ د س تا پندرہ دن تک یہ خصوصی مہم جاری رہے گی۔جی ایچ ایم سی کے علاوہ آشا ورکرس ، آنگن واڑی ورکرس، انٹمالوجی سے وابستہ عہدیدار اس ٹیم میں شامل رہیں گے۔ ویکسین حاصل کرنے والے افراد کو ایک سند حوالے کی جائے گی۔ صحت مند حیدرآباد کے نعرہ کے تحت شہر کو صد فیصد ویکسنیشن میں تبدیل کرنے کیلئے عوامی نمائندوں سے تعاون حاصل کیا جائے گا۔ حیدرآباد، رنگاریڈی، میڑچل، سنگاریڈی اضلاع کے کلکٹرس کو ہدایات جاری کی گئی ہیں۔ چیف سکریٹری کے علاوہ سکریٹری ہیلت رضوی اس مہم کا اچانک معائنہ کریں گے۔ کارپوریٹرس، ارکان اسمبلی، ارکان کونسل اور دیگر عوامی نمائندوں سے تعاون حاصل کیا جائے گا۔ کمشنر جی ایچ ایم سی لوکیش کمار نے تمام زونل کمشنرس اور ڈپٹی کمشنرس کو مقررہ مدت کے دوران ٹیکہ اندازی کا عمل مکمل کرنے ہدایت دی جس کالونی میں ٹیکہ اندازی صد فیصد ہوگی اسے مکمل ٹیکہ اندازی والی کالونی قرار دیا جائے گا اور سرٹیفکیٹ بھی ویلفیر اسوسی ایشن کے حوالے کیا جائے گا۔ ٹیکہ اندازی کیلئے 150 موبائیل ویکسنیشن ٹیموں کو تشکیل دیا گیا ہے۔ عہدیداروں سے کہا گیا ہے کہ وہ ٹیکہ اندازی کے سلسلہ میں عوام میں شعور بیدار کریں۔ شہر میں فی الوقت 50 ٹیکہ اندازی مراکز قائم ہیں جہاں تقریباً 15000 افراد کو روزانہ ٹیکہ اندازی کی سہولت ہے۔ مزید 20000 افراد کی روزانہ ٹیکہ اندازی کیلئے 90 موبائیل ویکسنیشن ٹیمیں تشکیل دی گئی ہیں

ناندیڑ:اراضی کاتنازعہ‘چھوٹے بھائی نے بڑے بھائی کوقتل کردیا

 اگست 23, 2021

• 
  

ناندیڑ:22اگست۔ (اردو اخبار دنیا) اراضی کے تنازعہ پرچھوٹے بھائی نے اپنے بیٹوں کے ساتھ مل کر بڑے بھائی کو تیزدھا راسلحہ سے قتل کردیا ۔یہ واقعہ آج 22ی¿اگست کو صبح نو بجے ناندیڑ سے قریب تپاپاٹی کے پاس رونما ہوا ۔تروپتی صاحب راوکدم نے پولس اسٹیشن میں شکایت درج کروائی کہ ا سکے والد صاحب راو کدم اور چاچاتاتے راو کدم کے درمیان کھیت کی تقسیم پرکافی دنوں سے تنازعہ چل رہاتھا ۔

آج 22اگست کو صبح نوبجے جب فریادی کے والد تپاپاٹی کے پاس موجود تھے اس وقت تاتے راو کدم 50سال‘ انکابیٹابالاجی اور رشی کیش بھی وہاں پہنچ گئے اورتینوںنے مل کر فریادی کے والد صاحب راو پرتیزدھا راسلحہ سے وار کرکے قتل کردیا ۔دیہی پولس اسٹیشن میں فریادی کی اس شکایت پر مذکورہ تینوں ملزمین کے خلاف قتل کامقدمہ درج کیاگیا ہے ۔اس معاملے کی تفتیش اے پی آئی سنکیت دھگے کررہے ہیں۔

ناندیڑ: آج صرافہ تاجروں کی ہڑتال

 اگست 23, 2021

• 

  
  

ناندیڑ:22اگست۔ (اردو اخبار دنیا) حکومت کی سخت شرائط نافذ کئے جانے و ہول مارکینگ عمل کی مذمت میں تمام صرافہ تاجر اور سورنکار کاروباریوںنے کل پیر 23ی¿اگست کوایک روزہ ہڑتال کااعلان کیا ہے۔اس طرح کی اطلاع صرافہ ایسوسی ایشن کے دیپک بودھنے اور سیکریٹری سدھاکر ٹاک نے پریس کانفرنس میں دی ۔کوروناوباءکے باعث پوری طرح سے کاروبار ٹھپ ہے ایسے میں حکومت نے سخت ایچ یوآئی ڈی کاقانون نافذ کردیا ہے جس کے مطابق اسٹاک ڈیکلیریشن دینا لازمی قراردیاگیا ہے ۔

اسکے علاوہ ہال مارکینگ کاعمل بھی کافی تکلیف دہ ہے ۔ جس کانقصان صرافہ تاجروں کے علاوہ گاہکوںکو ہورہا ہے ۔ہال مارک کرتے وقت 18 فیصدجی ایس ٹی ادا کرناپڑرہا ہے اورہال مارک سنٹر میں 10 فیصد رائلٹی اداکی جاتی ہے۔حکومت کے نافذ اس قانون کی خلاف ورزی کرنے پرصرافہ تاجروں کو سزا ‘جرمانہ اورعدالتی کاروائی کاسامنا کرنا پڑسکتا ہے ۔اسلئے یہ سخت شرائط و قوانین کو منسوخ کرنے کامطالبہ صرافہ تاجروںکی جانب سے کیاجارہاہے۔اس پریس کانفرنس میں سدھاکر ٹاک ‘ دیپک بودھنے ‘ کے علاوہ رمیش ڈاگا‘ نول کمار ‘نتین شیوڑکر ‘شیروسنہہ چوہان ‘پانڈورنگ لولگے‘چندرکانت تامٹے اوردیگر صرافہ تاجر موجود تھے۔

مدرسے میں استاذ کی طالبہ سے مبینہ زیادتی

 اگست 23, 2021

• 
  

راولپنڈی میں تھانہ پیر ودھائی کی حدود میں مدرسے کے استاد کی جانب سے طالبہ کے ساتھ مبینہ زیادتی کا واقعہ پیش آیا ہے۔ پولیس کے مطابق طالبہ کی والدہ کا ایف آئی آر میں کہنا ہے کہ مدرسے سے فون آیا کہ آپ کی بچی بے ہوش ہوگئی ہے اسے لے جائیں، جس کے بعد بچی نے گھر پہنچ کر بتایا کہ مدرسے کے استاد شاہنواز نے اس کے ساتھ زبردستی کی ہے۔

بچی کی والدہ نے پولیس کو بتایا کہ بیٹی کے مطابق استاد نے متعدد بار اس کے ساتھ زیادتی کی کوشش کی۔ تھانہ پیر ودھائی پولیس کاکہنا ہے کہ واقعہ کی ایف آر درج کرلی گئی ہے، میڈیکل رپورٹ کا انتظار ہے، جبکہ ابتدائی میڈیکل رپورٹ میں بچی پر شدید تشدد کے نشانات واضح ہیں۔ پولیس نے بتایا کہ ملزم کی گرفتاری کیلئے چھاپے مارے جارہے ہیں۔دوسری جانب متاثرہ طالبہ کی والدہ نے جیو نیوز سے بات کرتے ہوئے بتایا کہ پولیس تعاون نہیں کر رہی، ہمیں انصاف دلایا جائے

آل انڈیا ملی کونسل ، بہارکا انتخابی اجلاس منعقد ، مختلف عہدوں پر درجنوں شخصیات کا انتخاب

آل انڈیا ملی کونسل ، بہارکا انتخابی اجلاس منعقد ، مختلف عہدوں پر درجنوں شخصیات کا انتخاب

پھلواری شریف22؍اگست (اردو اخبار دنیا)آل انڈیا ملی کونسل بہار کا انتخابی اجلاس ہارون نگرسکٹر2،پھلواری شریف ،پٹنہ کے کمیونٹی ہال میں منعقد ہوا،اس اجلاس کی صدارت ریاستی صدر ڈاکٹر عتیق الرحمن قاسمی نے کی ،اجلاس کا آغاز مفتی محمدجمال الدین قاسمی کی تلاوت قرآن سے ہوا۔ڈاکٹر عتیق الرحمن قاسمی نے اپنے صدارتی خطاب میںاتحاد ملت پر زور دیتے ہوئے کہاکہ مسلک ومشرف سے اوپر اٹھ کر ملی مسائل کے حل کے لیے مشترکہ جدوجہد کیا جائے اوراتحاد ہماری کامیابی کی شاہ کلید ہے،اسے ہر قیمت پر باقی رکھنے کی کوشش کی جائے اورفروعی مسائل میں الجھنا اوراس پر عوامی سطح پر بحث کرنا ہمارے لیے نقصاندہ ثابت ہورہاہے،جب کہ اس موقع پر آل انڈیا ملی کونسل کے قومی نائب صدر مولانا انیس الرحمن قاسمی نے اپنے کلیدی خطاب میں مشن تعلیم2050اور تعلیمی نظام پر گفتگو کرتے ہوئے کہاکہ نچلی سطح پر محنت کی ضرورت ہے،تین سال کی عمر سے ہم اپنے بچے اوربچیوں پر تعلیم کے لیے سازگار ماحول گھروں میں بنائیں آل انڈیا ملی کونسل کا مقصد ہے کہ 2050تک سماج کا کوئی بچہ جاہل نہ رہے اس ہدف کو حاصل کرنے کے لیے ملی کونسل کے تمام اراکین کو جذبہ صادق کے ساتھ قربانیاں دینی پڑے گی۔مفتی ثناء الہدی قاسمی نائب ناظم امارت شرعیہ نے لڑکیوں کی غیرمسلموں سے شادی اورارتداد کے حوالے سے گفتگو کرتے ہوئے کہاکہ وقت پر شادیاں نہ ہونا اورشادیوں میں بے جا اسراف،جہیز وتلک کا مطالبہ ارتداد کی ایک اہم وجہ ہے،لیکن بنیادی وجہ دینی تعلیم اوردینی شعور سے ناآشنائی ہے،جب کہ جعیۃ علما بہار کے قائم مقام ناظم مولانا مشہودقادری نے کہاکہ ملت کے لیے اتحاد شہہ رگ کی حیثیت رکھتا ہے،اگر یہ رگ کٹ گئی تو ملت کی روح نکل جائے گی۔مولانا ابوالکلام شمسی قاسمی نے عصری اوردینی تعلیم کے امتزاج کے ساتھ تعلیم وتربیت پر توجہ دلائی۔ڈاکٹر شکیل قاسمی نے ارتداد،اتحاد ملت اورتعلیم پر تفصیل سے روشنی ڈالی۔آل انڈیا ملی کونسل تلنگانہ کے جنرل سکریٹری مفتی عمر عابدین قاسمی مدنی نے نئی تعلیمی پالیسی پر اپنے خیالات کااظہار کیا۔جنرل سکریٹری مولانا عالم قاسمی نے جنرل سکریٹری رپورٹ پیش کی،جس میں ملی کونسل کے اغراض ومقاصد کوواضح کیا۔ان کے علاوہ ڈاکٹر سرورعالم ندوی،عبداللہ بخاری،نجم الحسن نجمی،ڈاکٹر فضل اللہ قادری ،ڈاکٹر اظہار احمد،جناب مولانا محمد انصار قاسمی،مفتی فیض قاسمی،پروفیسر شمس الحق ،مولانا فاتح اقبال ندوی، مولانا رحمت اللہ عارفی،مولانا ڈاکٹر سجاد ندوی،مولانا آفتاب غازی،پروفیسر صدر الحق،تنویر عالم علیگ،شاہ محمد عظمت اللہ،مولانا اعجاز احمد،محمد عارف حسین،محمد فاروق اعظم مکھیا،شاہد محمودپوری،مولانا ظفرعالم،مولانا رضوان الحق قاسمی،صدرعالم ندوی،عظیم الدین انصاری،سلطان احمد،تنویر رضوی،افضل حسین رابطہ،ڈاکٹر سرورعالم ندوی،محمد نقیب احمد،ڈاکٹر سید شہباز عالم،انجینئر محمد حسین وغیرہم نے خطاب کیا۔نظامت آل انڈیا ملی کونسل کے کارگزار جنرل سکریٹری محمد نافع عارفی نے،جب کہ تجاویز مولانا نورالسلام ندوی نے پیش کی۔ایک اہم تجویز جس پر تمام شرکاء نے اتفاق کیا،وہ آل انڈیا ملی کونسل کا قومی اجلاس ریاستی دارالحکومت پٹنہ میں منعقد ہوناہے،یہ اجلاس13-14نومبر 2021کو پٹنہ میں منعقد ہوگا،جس میں پورے ملک کی ملی کونسل کے اراکین اورذمہ داران شریک ہوں گے اورملی مسائل کے حل کے لیے سرجوڑ کر بیٹھیں گے۔اجلاس میں پہلے سے طے شدہ ایجنڈے مشن تعلیم 2050ء اوردیگر ملی سماجی مسائل پر غوروخوض کیا گیا۔مشن تعلیم 2050ء،دینی تعلیم،عصری تعلیم ،اتحادامت،اصلاح معاشرہ،اردوزبان،نئی تعلیمی پالیسی،اقلیتوں کی تعلیمی ومعاشی ترقی اورخدمت خلق کے سلسلے میں دس مختلف تجاویزمنظورکی گئی، اس اجلاس میں نئی میقات اگست 2021ء سے اگست 2024ء کے لیے نئے عہدے داران کا انتخاب بھی عمل آیا ،اجلاس میں شریک ملی کونسل کے اراکین نے اتفاق رائے سے حضرت مولانا اشتیاق احمدقاسمی شیخ الحدیث جامع العلوم مظفرپور،مولانا انیس الرحمن قاسمی قومی نائب صدر آل انڈیا ملی کونسل اور جناب خورشید انور عارفی کو ریاستی ملی کونسل کا سرپرست منتخب کیا ،جب کہ مولانا ڈاکٹر عتیق الرحمن قاسمی صدر ،مولانا ابوالکلام قاسمی شمسی ،مولانااقبال احمد قاسمی،مولاناڈاکٹر شکیل احمد قاسمی اورمولانا علوی القادری کونائب صدرمنتخب کیا،جب کہ مولانا محمد عالم قاسمی جنرل سکریٹری،مولانا محمدنافع عارفی کارگزارجنرل سکریٹری،پروفیسر شمس الحق سکریٹری برائے عصری علوم،نجم الحسن نجمی نائب سکریٹری برائے عصری علوم،مولانا محمد انصار قاسمی سکریٹری برائے دینی تعلیم،مفتی محمد فیض قاسمی نائب سکریٹری برائے دینی تعلیم،مولانا افتخاراحمدنظامی ،مولانافاتح اقبال ندوی سکریٹری برائے تعلیم خواتین،مولانارحمت اللہ ندوی سکریٹری برائے اصلاح معاشرہ کمیٹی ،ڈاکٹرسجاداحمد ندوی نائب سکریٹری برائے اصلاح معاشرہ کمیٹی،مولانا آفتاب غازی سکریٹری برائے شعبہ دعوت وتبلیغ،جناب لیاقت صاحب نائب سکریٹری برائے شعبہ تبلیغ ،مولانا نورالسلام ندوی سکریٹری برائے ذرائع ابلاغ وشوشل میڈیا ،مولانا رضاء اللہ قاسمی نائب سکریٹری ذرائع ابلاغ وشوشل میڈیا ،پروفیسر صدرالحق سکریٹری برائے حقوق انسانی،مولاناافتخارنظامی صاحب نائب سکریٹری برائے حقوق انسانی ،پروفیسر سعید صاحب سکریٹری برائے شعبہ تحقیق وتجزیہ ومنصوبہ بندی،جناب ایڈوکیٹ انوارعالم صاحب سکریٹری برائے لیگل ایڈ،جناب ابونصرصاحب ایڈوکیٹ نائب سکریٹری برائے لیگل ایڈ ،مولانانثاراحمد قاسمی صاحب سکریٹری برائے شعبہ خدمت خلق،جناب قاری صہیب رحمانی کونائب کنوینربرائے تنظیمی امور منتخب کیا گیا،اس کے علاوہ 51؍اراکین عاملہ اور151؍ریاستی اراکین کا انتخاب بھی عمل میں آیا۔

سفاک عورت نے شوہر سے مل کر 2 سالہ معصوم بھتیجے کا کیا قتل ، لاش گندے نالے میں پھینکی

22/08/2021

نئی دہلی ، ۲۲؍اگست:(اردودنیا)دہلی پولیس نے پنجابی باغ علاقے سے ایک خاتون اور اس کے شوہر کو 2 سالہ معصوم بچے کے اغوا اور قتل کے بعد لاش کو نالے میں پھینکنے کے الزام میں گرفتار کیا ہے۔ گرفتار خاتون کی عمر 24 سال ہے ، جس نے اپنے شوہر کے ساتھ مل کر یہ خونیں واقعہ انجام دیا ہے ۔ملزم خاتون کی شناخت جمنا کے نام سے ہوئی ہے جبکہ اس کے شوہر کا نام راجیش ہے۔

ملزم جوڑا خیالہ کے رگھوویر نگر کی ایک کچی آبادی کا باشندہ ہے۔ دونوں میاں بیوی بھیک مانگ کر گزر بسر کرتے ہیں ۔ پولیس نے دونوں کو ہفتے کے روز گرفتار کیاہے،پولیس کے مطابق یہ قتل حسد کی وجہ سے کیا گیا ہے۔ دراصل جمنا کو لگا کہ اس کی ماں اس سے کم پیار کرتی ہے اور بچے سے زیادہ پیار کرتی ہے۔حسد کی وجہ سے ملزم خاتون نے پہلے اپنے شوہر کی مدد سے بچے کا اغوا کیا اور پھر اس کا گلا دبا کر قتل کردیا۔ یہ یقینی بنانے کے لیے کہ بچہ مر گیا ہے ، ملزم خاتون نے اسے پنجابی باغ کے گندا نالہ کے کیچڑ اور دلدل والے حصہ میں ڈبو دیا۔

پولیس نے ملزم بیوی اور شوہر کی گرفتاری کے لیے سی سی ٹی وی فوٹیج کی مدد لی۔ پولیس نے موقع سے پانچ کلومیٹر کے دائرے میں سی سی ٹی وی فوٹیج کھنگال کر ملزم کا سراغ لگایا۔ پولیس کو معصوم بچے کی لاش نکالنے کے لیے تقریبا ً150 افراد کی مدد لینی پڑی۔ ان میں سے 89 عام شہری تھے، جبکہ 32 کا تعلق محکمہ فلڈ کنٹرول سے تھا۔پولیس نے یہ بھی بتایا کہ ملزم کے خلاف مقدمہ درج کر لیا گیا ہے ، فی الحال کیس کی تفتیش جاری ہے