فون پرتین طلاق معاملے میں شوہر گرفتار

 ستمبر 1, 2021

شملہ، یکم ستمبر (اردو دنیا نیوز۷۲) ہماچل پردیش کے شہر کلو میں فون پر تین طلاق دینے کا معاملہ سامنے آنے کے بعد خاتون کے شوہر کو گرفتار کر لیا گیا ہے۔پولیس نے آج یہاں بتایا کہ متاثرہ خاتون نے کلو کے پولیس افسر گرودیو شرما کے پاس پہنچ کر اس بابت اپنی شکایت دی تھی جس کے بعد خاتون تھانہ نے مقدمہ درج کیا اور شوہر کو گرفتار کر لیا۔

متاثرہ سلمیٰ کی شادی تقریباً آٹھ برس قبل دلاشنی گاؤں کے رفیق سے ہوئی تھی۔ ان کی چھ اور تین سال کی دو بیٹیاں ہیں۔ ایک لڑکی سلمیٰ کے پاس ہے اور دوسری اس کے شوہر کے پاس ہے۔ادھر متاثرہ کے سسر کا الزام ہے کہ ان کی بہو مائیکے میں رہنا چاہتی ہے اور واپس آنے کے لیے منع کرتی ہے۔ ایسے میں رفیق نے اسے طلاق دینے کے لیے بھی کہا تھا۔

ممبئی کا ماہی گیر بنا راتوں رات کروڑ پتی ، 1.33 کروڑ میں ہوئے "گھول فش” فروخت : ویڈیو دیکھیں

 ستمبر 1, 2021

• 

  پالگھر : یکم سپٹمبر (اردو دنیا نیوز۷۲ ) ممبئی سے قریب مہاراشٹر کے پالگھر ضلع کے ایک ماہی گیر نے کبھی سوچا بھی نہیں تھا کہ وہ اپنے جال سے اتنی دولت کمائے گا کہ راتوں رات کروڑوں بن جائے گا۔

پالگھر ضلع کے مربے گاؤں کا ایک ماہی گیر چندرکانت تارے ماہی گیری پر مانسون کی پابندی ختم ہونے کے بعد 28 اگست کو پہلی بار اپنی کشتی سمندر میں لے گیا۔

ماہی گیری کے دوران ، اس نے دیکھا کہ جال بھاری ہو گیا ہے اور اس نے فورا اسے باہر نکالا۔ کشتی میں سوار عملے کے ممبران یہ دیکھ کر حیران ہوئے کہ انھوں نے ایک ساتھ میں 150 کے قریب گھول مچھلیاں جال میں پکڑ لیں۔

گھول مچھلی نہ صرف لذیذ ہوتی ہے بلکہ اس میں بہت سی دواؤں کی خصوصیات بھی ہیں اور مختلف ممالک میں اس کی بہت قدر کی جاتی ہے۔ اس کے اعضاء ادویات اور دیگر مہنگی مصنوعات بنانے کے لیے استعمال ہوتے ہیں۔

مچھلی کو "سونے کے دل والی مچھلی” بھی کہا جاتا ہے۔

مچھلیوں کی اتنی بڑی تعداد کو دیکھ کر کشتی پر سوار لوگ اپنی خوشی پر قابو نہ رکھ سکے اور اس لمحے کو اپنے موبائل فون پر قید کرنے لگے۔

جب ماہی گیر سمندر سے واپس آئے تو ان کو نیلام کیا گیا اور اس نے تقریبا₹ 1.33 کروڑ کی بولی لگائی۔

چندرکانت کے بیٹے سومناتھ نے اس معاہدے کی تصدیق کی لیکن انہوں نے کہا کہ یہ ابھی مکمل ہونا باقی ہے۔ مسٹر سومناتھ کے مطابق ، گھول مچھلی کے پیٹ میں ایک پاؤچ ہے ، جس کی بیرون ملک بڑی مانگ ہے۔

گھول مچھلی ، سائنسی نام Protonibea diacanthus ، ایک سیاہ دھبے والی کراکر مچھلی ہے جو انڈو پیسفک کے علاقے میں پائی جاتی ہے اور اسے سمندری مچھلیوں کی مہنگی ترین اقسام میں شمار کیا جاتا ہے۔

گھول مچلی کو سونے کی مچھلی بھی کہتا ہے کیونکہ اسکی قیمت گولڈ سی کم نہیں ہوتی

ویکسین کی دونوں خوراک لینے کے باوجود فلمساز فرح خان کورونا پازیٹو

 ستمبر 1, 2021

بالی ووڈ کی مشہور و معروف فلمساز و ہدایت کار فرح خان کورونا پازیٹو ہو گئی ہیں۔ قابل ذکر بات یہ ہے کہ انھوں نے کورونا ویکسین کی دونوں خوراک لے لی ہے، اس کے باوجود ان پر کورونا وائرس اثرانداز ثابت ہوا ہے۔ اس بات کی جانکاری فرح خان نے خود سوشل میڈیا پلیٹ فارم کے ذریعہ دی ہے۔ فرح خان نے اپنے کورونا پازیٹو ہونے کی اطلاع دینے کے ساتھ ساتھ یہ بھی کہا ہے کہ جو بھی افراد ان کے قریب آئے ہیں، وہ احتیاط برتیں اور اپنی صحت کا خیال رکھیں۔

فرح خان نے اپنی انسٹا اسٹوری پر کورونا پازیٹو ہونے سے متعلق جانکاری شیئر کی۔ انھوں نے لکھا ہے کہ ’’مجھے بہت حیرانی ہو رہی ہے کہ یہ ہوا… شاید میں نے اپنا کالا ٹیکہ نہیں لگایا تھا۔ کورونا کی دونوں خوراک لینے، اور جنھوں نے دونوں خوراک لے لی ہیں ایسے لوگوں کے ساتھ کام کرنے کے باوجود میں کووڈ پازیٹو پائی گئی ہوں۔ میں نے ان لوگوں کو پہلے ہی اس بارے میں مطلع کر دیا ہے کہ وہ اپنا ٹیسٹ کروا لیں۔‘‘ پھر انھوں نے مزاحیہ انداز میں یہ بھی لکھا کہ ’’لیکن پھر بھی اگر میں کسی کو بھول گئی ہوں (میری بڑھتی عمر اور کم ہوتی یادداشت کی وجہ سے) تو پلیز اپنا ٹیسٹ کروا لیں۔ امید کرتی ہوں کہ جلد صحت یاب ہو جاؤں گی۔‘‘

آر ایس ایس کے بانی ہیڈگیوار کی جائے پیدائش کا سابق چیف جسٹس بوبڈے کا دورہ، بھاگوت سے ملاقات

 ستمبر 1, 2021

ناگپور: سپریم کورٹ کے سابق چیف جسٹس شرد اروند بوبڈے نے منگل کے روز راشٹریہ سوم سیوک سنگھ (آر ایس ایس) کے بانی ڈاکٹر کیشو بلیرام ہیڈگیوار کی جائے پیدائش کا دورہ کیا۔ وہاں سے وہ آر ایس ایس کے صدر دفتر پہنچے، جہاں انہوں نے آر ایس ایس کے سربراہ موہن بھاگوت اور آر ایس ایس کے سابق جنرل سکریٹری بھیاجی جوشی سے ملاقات کی۔

آر ایس ایس کے بانی رہے ہیڈگیوار کی پیدائش ناگپور میں یکم اپریل 1889 کو ہوئی تھی۔ انہوں نے 1925 میں آر ایس ایس کا قیام کیا تھا اور 21 جون 1940 کو ان کی موت ہوئی تھی۔ وہیں، شرد بوبڈے کا بھی ناگپور سے تعلق ہے اور وہ چیف جسٹس کے عہدے سے سبکدوشی کے بعد اسی شہر میں رہائش پذیر ہیں

سابق چیف جسٹس شرد بوبڈے جب ہیڈگیوار کی رہائش پر پہنچے تو ان کے ہم جماعت رہے پروفیسر ہیمنت جامبھیکر بھی ان کے ساتھ تھے۔ انہوں نے آج تک کو بتایا کہ بوبڈے کو اپنی رہائش کی تجدید کرانی ہے لہذا وہ یہ دیکھنے کے لئے وہاں پہنچے تھے کہ ہیڈگوار کے قدیمی مکان کی تجدید کس طرح کرائی گئی ہے۔

کچھ دیر قیام کرنے کے بعد جسٹس شرد بوبڈے ہیڈگیوار کی جائے پیدائش سے روانہ ہو گئے۔ ناگپور کے مہال علاقہ میں ہی آر ایس ایس کا بھی ہیڈکوارٹر موجود ہے اور سابق چیف جسٹس نے وہاں کا بھی دورہ کیا۔ آر ایس ایس کے دفتر میں بوبڈے نے موہن بھاگوت اور بھیا جی جوشی سے ملاقات کی۔

خبر غم:ناندیڑکے نوجوان سیدعبدالعظیم کا انتقال

 ستمبر 1, 2021

ناندیڑ:یکم ستمبر:(اردو دنیا نیوز۷۲)آج بتاریخ 1 ستمبر 2021 بروز بدھ سیدعبدالعظیم ولد سید عبدالھادی استاد ان کا انتقال ہوگیا ہے اناللہ وانا الیہ راجعون.

انکی نماز جنازہ و تدفین کربلا کے قبرستان میں بعد نماز عشاء ادا کی جائے گی انشاءاللہ ۔

مرحوم۔۔۔حافظ سید نواب ۔۔سید ولی الدین۔۔۔حافظ سید عبد العزیز کے چھوٹے بھائی تھے ان کا مکان دیگلور ناکہ کے لکشمی نگر گلی نمبر 6 زلیخا مسجد کے پاس ہے۔اللہ تعالیٰ سے دعا ہے کہ وہ مرحوم کی مغفرت فرمائے اور لواحقین کو صبر جمیل عطا کرے۔

معروف اداکارہ اور دلیپ کمار کی اہلیہ سائرہ بانو کی طبیعت ناساز، آئی سی یو میں داخل

 ستمبر 1, 2021

ممبئی:اپنے زمانے کی بہترین اداکارہ اور شہنشاہ جذبات مرحوم دلیپ کمار کی شریک حیات سائرہ بانو کی طبیعت ناساز ہو گئی ہے۔

تین روز قبل ہائی بلڈ پریشر کی شکایت کے بعد انہیں ممبئی کے ہندوجا اسپتال میں داخل کرایا گیا تھا، جہاں آج انہیں آئی سی میں منتقل کیا گیا ہے۔

بریکینگ نیوز: ریاستی وزیر اشوک چوہان کے گھر پر سنگ باری

 ستمبر 1, 2021

ناندیڑ:1۔ستمبر۔( اردو دنیا نیوز۷۲)ریاست مہاراشٹر کے وزیر تعمیرات عامہ و ناندیڑ ضلع کے رابطے وزیر اشوک راؤ چوہان۔ کے مکان واقع شیواجی نگر پر آج صبح کے وقت نامعلوم خاتون نے سنگباری کی ہے۔

پولس ذرائع کے بموجب اس خاتون نے اشوک چوہان کے بنگلہ "آنند نیلائم "پر سنگباری کی جس میں سیکورٹی گارڈ کے کمرے کے شیشے ٹوٹ گئے ہیں۔پولس سی سی ٹی وی فوٹیج کی جانچ پڑتال کر رہی ہے۔

بتایا جاتا ہیکہ یہ خاتون معذور افراد کیلئے استعمال ہونے والی سائکل پر آئی تھی اور ساتھ میں ایک لڑکی بھی تھی۔سنگباری کی وجوہات کا علم نہیں۔ ہوسکا ہے۔