امیر الہند مولانا ارشد مدنی کے ہاتھوں نئی دہلی میں " مدنی -100 " مفت کوچنگ سینٹرکا افتتاح

امیر الہند مولانا ارشد مدنی کے ہاتھوں نئی دہلی میں " مدنی -100 " مفت کوچنگ سینٹرکا افتتاح

نئی دہلی: قوم کو پسماندگی ، مایوسی اور احساس کمتری سے باہر نکالنے کا واحد راستہ تعلیم ہے ، انسانی تاریخ شاہد ہے دنیا میں انہیں قوموں کو ترقی اور سرخ روئی حاصل ہوئی ہے جو تعلیم تافتہ تھیں ، اور جن قوموں نے خودکو تعلیم سے الگ رکھاتباہی اور پسپائی ان کا مقدربن گئی ، ان خیال کااظہار کل جمعیۃعلماء ہند کے صدرمولاناسید ارشدمدنی نے نئی دہلی میں مالی اعتبارسے کمزورطلباء کے لئے ''مدنی۔100''کے نام سے ایک مفت کوچنگ سینٹرکا افتتاح کرتے ہوئے کیا ، قابل ذکر بات یہ ہے کہ یہ مفت کوچنگ سینٹرمولانا حسین احمد مدنی چیئرٹیبل ٹرسٹ دیوبند اور ہندگرواکیڈمی دہلی کے باہمی تعاون سے شروع کیا گیا ہے ، مولانا مدنی نے کہا کہ اس سینٹرکے قیام کا مقصدذہین مگر مالی اعتبارسے کمزورطلباء کو مقابلہ جاتی امتحانات کے لئے تیارکرنا ہے ، اس کے لئے دسویں ، گیارہویںاور بارہویں پاس طلباء کا انتخاب ٹسٹ کے ذریعہ ہوگا ، یہ ایڈمیشن کم اسکالرشپ ٹسٹ ہوگا اور جن بچوں کا انتخاب ہوگا انہیں سوفیصدتک اسکالرشپ مہیاکرائی جائے گی۔

دھونی کی چنئی سپر کنگس نے ممبئی کو ہرایا ، پوائنٹس میں سب سے اوپر

دھونی کی چنئی سپر کنگس نے ممبئی کو ہرایا ، پوائنٹس میں سب سے اوپر

مہندر سنگھ دھونی کی چنئی سپر کنگس نے آئی پی ایل 2021 کے دوسرے ہاف کے پہلے میچ میں ممبئی انڈینس کو 20 رن سے شکست دے دی ۔ چنئی نے 20 اوور میں 6 وکٹ کے نقصان پر 156 رن بنائے تھے اور ممبئی انڈین اس ہدف کا پیچھا کرتے ہوئے 8 وکٹ پر 136 رن ہی بنا پائی ۔ اس جیت کے ساتھ چنئی کی ٹیم پوائنٹس ٹیبل میں سب سے اوپر ہو گئی ہے۔

چنئی سپر کنگس کے سلامی بلے باز رتو راج گائکواڈ مین آف دی میچ چنے گئے ۔ انہوں نے ٹیم کے لئے اوپننگ کرتے ہوئے 58 گیندوں پر 88 رن بنائے۔ چنئی کے ذریعہ پیش کئے گئے ہدف کا پیچھا کرتے ہوئے ممبئی انڈینس کی چنئی کی طرح شروعات اچھی نہیں رہی اور 40 رن کے اندر ہی تین وکٹ گنوا دئے ۔ چنئی کی جانب سے دیپک چاہر نے ممبئی کو شروعاتی جھٹکے دئے۔

سلامی بلے باز رتوراج گائیکواڈ کی 88 رن کی شاندار اننگز سے چنئی سپر کنگز نے پاور پلے کی لڑکھڑاہٹ سے ابھرتے ہوئے آئی پی ایل کے دوسرے مرحلے کے پہلے مقابلے میں 20 اوورز میں چھ وکٹ پر 156 رن کا چیلنجنگ اسکور بنا یا ۔

چنئی کے کپتان مہندرا سنگھ دھونی نے ٹاس جیت کر بلے بازی کا فیصلہ کیا لیکن اس کا آغاز خراب رہا اور اس نے چھ اوور کے پاور پلے میں صرف اپنے چار وکٹ صرف 24 رن تک گنوا دیے لیکن اس کے بعد گائیکواڈ نے رویندرا جڈیجہ کے ساتھ پانچویں وکٹ کے لئے81 رن کی عمدہ شراکت داری کر کے ٹیم کومشکل سے باہر نکال لیا ۔ انہوں نے پھر ڈوین براوو کے ساتھ چھٹی وکٹ کے لیے 39 رن جوڑے۔

انہوں نے چوکا مار کر اپنی مسلسل چوتھی نصف سنچری مکمل کی ۔ چنئی نے آخری چار اوورز میں 69 رن بنائے جس سے ان کا اسکور 150 کے پار پہنچ گیا۔

گائیکواڑ نے 58 گیندوں پر 88 رن میں نو چوکے اور چار چھکے لگائے ۔ انہوں نے اننگز کی آخری گیند پر چھکا بھی لگایا ۔ جڈیجہ نے 33 گیندوں پر 26 رن بنائے جبکہ براوو نے آٹھ گیندوں پر 23 رن میں تین چھکے لگائے ۔ براوو نے 19 ویں اوور میں ٹرینٹ بولٹ کی پہلی دو گیندوں پرچھکے لگائے۔

چنئی کی اننگز کے آغاز پر فاف ڈو پلیسی اور معین علی کھاتہ کھولے بغیر آؤٹ ہوئے جبکہ امباتی رائیڈو کھاتہ کھولے بغیر ہی ریٹائر ہو گئے ۔ واضح رہے سریش رائنا چار رن اور دھونی تین رن بنا کر آؤٹ ہوئے۔ لیکن اس کے بعد میدان پر رتو راج کا راج چلا اورانہوں نے بہترین اننگز کھیلی اور ٹیم کو لڑنے لائق سکور تک پہنچا دیا ۔ ممبئی کی جانب سے ٹرینٹ بولٹ نے 35 رن کے پر دو وکٹ اورایڈم ملنے نے 21 رن پردووکٹیں حاصل کیں جبکہ اپنا 100 واں آئی پی ایل میچ کھیل رہے جسپریت بمراہ نے 33 رن پر دو وکٹ حاصل کئے ۔

دینی تعلیم کے ساتھ عصری تعلیم کی یکساں اہمیت و ضرورت ، جمعية نے ضرورت کے حساب سے ہمیشہ کام کیا ہے ۔ مولانا سید ارشد مدنی

دینی تعلیم کے ساتھ عصری تعلیم کی یکساں اہمیت و ضرورت ، جمعية نے ضرورت کے حساب سے ہمیشہ کام کیا ہے ۔ مولانا سید ارشد مدنی

نئی دہلی، دینی و دنیاوی دونوں تعلیم کے حصول کی اہمیت پر زور دیتے ہوئے جمعیۃ علمائے ہند کے صدر مولانا سید ارشد مدنی نے کہاکہ مسلمانوں کی ترقی کے لئے دونوں تعلیم کی یکساں اہمیت و ضرورت ہے۔ انہوں نے یہ بات انہوں نے مولانا حسین احمد مدنی چیریٹبل ٹرسٹ دیوبند اور ہند گرو اکیڈمی دہلی کے باہمی تعاون سے آئی آئی ٹی، این ای ای ٹ، جے ای ای کی تیاری کے لئے کوچنگ سنٹر کا افتتاح کرتے ہوئے کہی۔ اس سنٹر میں پانچ سو طلبہ کی گنجائش ہے جس میں سو غریب مگر صلاحیت مند بچوں کو مفت کوچنگ فراہم کی جائے گی جس میں ہندو بچے بھی شامل ہوں گے۔یہ سنٹر دہلی اور دیوبند دونوں جگہ پر کام کریں گے۔ انہوں نے کہاکہ آج جس طرح مسلم قوم کو عالم دین، مفتی، قاضی کی ضرورت ہے اسی طرح، ڈاکٹرس، انجینئرس، وکیل، سول سرونٹ، سائنس داں،اساتذہ اور پروفیسر س وغیرہ کی ضرورت ہے تاکہ وہ مسلمانوں کے خلا کو پرسکیں۔ انہوں نے کہاکہ ہم مدرسے کے لوگ ہیں، ایک بدلے دسیوں مدرسے قائم کرسکتے ہیں لیکن عصری ادارے ہمارے لئے قائم کرنا مشکل تھا لیکن ہم نے احباب کے تعاون سے اس سمت میں قدم بڑھایا اور آج دیوبند میں اسکول، بی ایڈ کالج، ڈگری کالج اور لڑکیوں کے لئے شہر کے وسط میں ایک اسکول چل رہا ہے۔ انہوں نے کہاکہ ہمارے لوگ ہر میدان میں اسی وقت اپنا قدم جما سکتے ہیں جب ان کی اسکول کی تعلیم معیاری ہو۔ انہوں نے کہاکہ اگر اسکول کی تعلیم معیاری ہوگی تو وہ کہیں بھی داخلہ لے سکتے ہیں اور کہیں سے بھی کامیابی حاصل کرسکتے ہیں۔ مولانا مدنی نے کہا کہ آزادی کے بعد جمعیۃ علمائے ہند نے دینی ادارے قائم کرنے پر زیادہ توجہ دی کیوں کہ اس وقت دین کی حفاظت کرنا ضروری تھا اور دین کی حفاظت دینی تعلیم کے بغیر ممکن نہیں تھی۔ انہوں نے کہاکہ جمعیۃ علماء نے کبھی بھی نہیں کہا کہ اسکول، کالج نہ کھولے جائیں بلکہ اہل ثروت لوگوں سے اپیل کی کہ وہ دنیا وی ادارے قائم کریں جس میں مسلمان بچے عصری تعلیم حاصل کرسکیں۔ ساتھ انہوں نے ایسی تعلیم پر زور دیا کہ جو دنیا کے ساتھ ساتھ آخرت بھی سنوارے اور اس کی افادیت صرف دنیا تک محدود نہ رہے۔ انہوں نے کہا کہ جمعیۃ علمائے ہند نے ہمیشہ ضرورت کے حساب سے کام کیا ہے اور مسلم قوم کو جس کی ضرورت پڑی اسی ضرورت کے تحت کام کیا۔ انہوں نے کہا کہ آزادی کے بعد ہزاروں کی تعداد میں فسادات ہوئے جس کے شکار مسلمان بنے، جمعیۃ علمائے نے راحت رسانی اور بازآبادکاری میں بڑھ چڑھ کر حصہ لیا اورمسلمانوں کو نہ صرف سہارا دیا بلکہ انہیں کھڑا کرنے کی کوشش کی۔انہوں نے کہاکہ جہاں تک ہم پہنچ سکتے تھے وہاں پہنچے اور راحت رسانی اور بازآبادکاری کا کام کیا۔ انہوں نے ساتھ ہی کہا کہ ہم نے راحت رسانی اور بازآبادکاری کے کام میں کبھی مذہب نہیں دیکھا بلکہ مسلمانوں کے ساتھ ہندو اور دیگر مذاہب کے لوگوں کو بھی شامل کیا۔ا نہوں نے کہاکہ دور دراز علاقے دینی تعلیم کی روشنی سے دور تھے، دیوبند کے فضلاء نے جہالت کی تاریکی کو دور کرتے ہوئے دین کی روشنی پھیلائی اور اس وقت پورے ملک میں مدارس کے جال بچھے ہوئے ہیں۔ مولانا ارشد مدنی نے اس اعتراف کے ساتھ کہ جمعیۃ علمائے ہند سارے کام نہیں کرسکتی اور نہ ہی اس کے پاس سارے کام کرنے کے وسائل ہیں، لیکن اس کے باوجود ہم نے مسلم بچوں کو دینی تعلیم سے بہرہ ور اور مسابقتی میدان میں ان کی کامیابی کے لئے ہم نے کام شروع کیا ہے۔ انہوں نے کہاکہ اس وقت ہم نے آئی آئی ٹی۔جے ای ای اور این ای ای ٹی کی تیاری کے لئے کوچنگ کی شروعات کی ہے لیکن بہت جلد سول سروس کی تیاری کے لئے بھی اکیڈمی کی بنیاد ڈالیں گے۔ انہوں نے کہاکہ ہمارا نشانہ شہر کے ساتھ دیہی علاقوں کے بچے ہیں جو صلاحیت مند ہوتے ہیں لیکن وسائل سے محروم ہونے کی وجہ سے وہ آگے نہیں بڑھ پاتے اور نہ ہی رہنمائی نہ ہونے کی وجہ سے مسابقتی امتحان میں کامیاب ہوتے ہیں۔ ایسے بچوں پر ہماری توجہ مرکوز رہے گی اور اس میں صلاحیت مند ہندو بچے بھی شامل ہیں۔ ہند گرو اکیڈمی کے سربراہ نور نواز خاں نے کوچنگ سنٹر کی تفصیلات پر روشنی ڈالتے ہوئے کہاکہ ہم اس تعلیمی ادارہ کے ذریعہ گاؤں گاؤں تک پہنچیں گے اور بعد اس میں آئی آئی ٹی۔جے ای ای اور این ای ای ٹی کی تیاری کے ساتھ ایس ایس سی کی تیاری بھی کرائی جائے گی۔ واضح رہے کہ جمعیۃ علمائے ہند نے یہ پروگرام مدنی 100 کے نام سے شروع کیا گیا ہے۔

چرنجیت سنگھ چنی ہوں گے پنجاب کے اگلے وزیر اعلیٰ، راہل گاندھی نے دی مبارک باد

 ستمبر 19, 2021

• 

  
  

نئی دہلی: کانگریس نے کیپٹن امریندر سنگھ کے استعفیٰ کے بعد پنجاب حکومت میں کابینہ وزیر رہے چرنجیت سنگھ چنی کو ریاست کا نیا وزیر اعلیٰ بنانے کا اعلان کیا ہے، پنجاب کانگریس کے انچارج ہریش راوت نے ٹوئٹ کر کے اتوار کے روز یہ اطلاع دیتے ہوئے بتایا کہ چرنجیت سنگھ چنی کو متفقہ طور پر کانگریس قانون ساز پارٹی کا لیڈر منتخب کیا گیا ہے،.

دریں اثنا چنڈی گڑھ میں موجود کانگریس کے مرکزی انچارج اجے ماکن نے کہا ہے کہ چرنجیت سنگھ چنی گورنر سے مل کر آج ہی حکومت سازی کا دعویٰ کریں گے

تیجسوی نے نتیش حکومت کوبتایا را کشک راج ، خواتین محفوظ نہیں

تیجسوی نے نتیش حکومت کوبتایا را کشک راج ، خواتین محفوظ نہیں

پٹنہ، 19 ستمبر۔ بہار قانون ساز اسمبلی میں قائد حزب اختلاف تیجسوی یادو نے ویشالی کی کرنوتی بہی میں لڑکی کے قتل معاملے پر نتیش حکومت کو کٹہرے میں کھڑا کیا ہے۔نتیش حکومت کو نشانہ بناتے ہوئے تیجسوی یادو نے ا ن کے دور حکومت کو راکشک راج بتایا ہے۔ تیجسوی یادو نے بہار میں خواتین اور لڑکیوں کی عصمت دری کے واقعہ سے متعلق اعداد و شمار کے ذریعے نتیش حکومت پر حملہ کیا ہے۔ اتوار کی صبح 10.28 بجے قائد حزب اختلاف تیجسوی یادو نے ٹویٹ کیا کہ بہار میں ہر مہینے 500 سے زیادہ عصمت دری ہو رہی ہے ، یعنی تیجسوی کے مطابق بہار میں روزانہ اوسطا 16 16 لڑکیوں اور خواتین کی عصمت دری ہو رہی ہے۔انہوں نے کہا کہ تیسرے نمبر کی پارٹی کے وزیر اعلیٰ نتیش کمار کی قیادت والی این ڈی اے حکومت میں نابالغ لڑکیوں ، بہنوں اور خواتین کے خلاف وحشیانہ جرائم میں مسلسل اضافہ ہو رہا ہے اور حکومت خاموش ہے۔ تیجسوی نے کہا کہ بہار میں کوئی بہن اور بیٹی محفوظ نہیں ہے۔ 16 سالہ این ڈی اے حکومت کی ڈبل انجن پریشان کن غلط کاریوں کی وجہ سے یہاں راکشک راج قائم کیا گیا ہے۔ ہر روز کوئی نہ کوئی دل دہلا دینے والے گھناونے واقعات سننے کو ملتے ہیں اور حکومت کھلے عام مجرموں کی حفاظت کرتی ہے۔تیجسوی نے کہا کہ نتیش حکومت عصمت دری کرنے والوں کی محافظ ہے۔ ہر روز سینکڑوں ماوں اور بہنوں کی عصمت لوٹا جاتا ہے لیکن کوئی کارروائی نہیں کی جاتی۔ مجرموں میں کوئی خوف نہیں ہے۔ معزز وزیر داخلہ ومحکمہ داخلہ کی قیادت میں بہار پولیس شراب بندی کے نام پر اپنی لوٹ میں مست اور مصروف ہے۔قابل ذکر بات یہ ہے کہ منگل کے روز لڑکی اپنے گھر سے کوچنگ کے لیے نکلی تھی۔ لیکن کوچنگ کا وقت ختم ہونے کے بعد بھی گھر واپس نہیں آئی۔ اس کے اہل خانہ نے اپنی سطح سے تلاش کے دوران ہی بدھ کے روز چانور سے لاش برآمد کی۔واقعہ کی اطلاع پر پہنچی مہنار تھانہ کی پولیس نے لاش کو پوسٹ مارٹم کے لئے صدر اسپتال حاجی پور بھیج دیا تھا۔

IPL match dekhne ke liye is link click Karen

Please download this app for live  

streaming.

 https://play.google.com/store/apps/details?id=com.asadapps.live.ten.sports

دھونی کو مزید ذمہ داری لینی ہوگی : بشپ

دھونی کو مزید ذمہ داری لینی ہوگی : بشپ

دبئی: انڈین پریمیئر لیگ(آئی پی ایل) کے دوسرے مرحلے کا آغاز چنئی سپر کنگز اور ممبئی انڈینز کے میچ سے ہوگا اس میچ سے پہلے چنئی کیمپ میں فاف ڈو پلیسی اور ڈوین براوو سمیت کچھ کھلاڑیوں کی فٹنس پر سوالات اٹھ رہے ہیں کریک انفو کے پروگرام 'ٹائم آٹ' میں ویسٹ انڈیز کے سابق لیجنڈ ایان بشپ نے چنئی سپر کنگز کے کپتان مہندر سنگھ دھونی کو مشورہ دیا کہ وہ اس کے لیے تیار رہیں ۔
براوو بھی مکمل طور پر فٹ نہیں ہیں ، پھر مہندر سنگھ دھونی کو زیادہ ذمہ داری اٹھانی پڑے گی۔اس کے لیے انہیں تیار رہنا چاہیے۔

Live cricket match IPL dekhne ke liye website link per click Karen

Please download this app for live streaming.

 https://play.google.com/store/apps/details?id=com.asadapps.live.ten.sports

روی شاستری کے بعد کون بنے گا ٹیم انڈیا کا کوچ ؟ 5 اہم نام دوڑ میں سب سے آگے

روی شاستری کے بعد کون بنے گا ٹیم انڈیا کا کوچ ؟ 5 اہم نام دوڑ میں سب سے آگے

روی شاستری (Ravi Shastri) نے کہا ہے کہ وہ ٹی-20 عالمی کپ (T20 World Cup) کے بعد چیف کوچ کے طور پرا پنی مدت کار نہیں بڑھانا چاہتے۔ اب اس عہدے کے لئے تلاش بھی شروع ہوگئی ہے کہ آخر روی شاستری کے بعد کون ٹیم انڈیا کے چیف کوچ جیسے اہم عہدے کو سنبھالے گا۔ ایسے میں 5 اہم دعویدار مانے جا رہے ہیں۔

عظیم اسپنر انل کمبلے اس عہدے کی ریس میں سب سے آگے مانے جا رہے ہیں۔ وہ سال 2016 میں چیف کوچ رہے ہیں، لیکن کپتان وراٹ کوہلی کے ساتھ اختلافات کے سبب انہیں عہدہ چھوڑنا پڑا تھا۔ تب کہا گیا تھا کہ انل کمبلے ٹیم کے کھلاڑیوں کے ساتھ کبھی کبھی سخت رویہ اپناتے تھے۔ اب انل کمبلے کو بی سی سی آئی کی پہلی پسند مانا جا رہا ہے۔ (تصویر کریڈٹ: پی ٹی آئی)

بین الاقوامی سطح پر 220 میچ کھیل چکے سابق ہندوستانی کپتان وی وی ایس لکشمن بھی اس عہدے کے دعویدار مانے جا رہے ہیں۔ حالانکہ انہوں نے کبھی کوچنگ نہیں دی ہے، لیکن وہ اپنی اکادمی چلاتے ہیں۔ اس کے علاوہ آئی پی ایل میں سن رائزرس حیدرآباد ٹیم سے بھی مشیر کے طور پر جڑے ہیں۔ (تصویر کریڈٹ: اے ایف پی)

وکرم راٹھور (Vikram Rathour) ٹیم کے بلے بازی کوچ ہیں۔ حالانکہ جب انہوں نے 2019 میں اس عہدے کو سنبھالا تو کافی سوال اٹھے تھے کیونکہ ان کے پاس بین الاقوامی تجربہ زیادہ نہیں ہے۔ انہوں نے اس ذمہ داری کو نبھایا اور اب وہ آئندہ چیف کوچ بھی بنائے جاسکتے ہیں۔ (تصویر کریڈٹ: اے ایف پی)

سری لنکا کے عظیم بلے بازوں میں شمار مہیلا جے وردھنے بھی اس دوڑ میں شامل ہیں۔ اگر کسی غیر ملکی کو عہدہ دینے کی بات آتی ہے تو وہ اس عہدے کو سنبھال سکتے ہیں۔ وہ آئی پی ایل میں ریکارڈ 5 بار کی چمپئن ممبئی انڈینس کے ساتھ جڑے ہیں اور کامیاب بھی رہے ہیں۔ (تصویر کریڈٹ: انسٹا گرام)

نیوزی لینڈ کے سابق عظیم کھلاڑی مائیک ہیسن آئی پی ایل میں وراٹ کوہلی کی ٹیم رائل چیلنجرس بنگلور سے وابستہ ہیں۔ ان کے کوچ رہتے ہوئے نیوزی لینڈ کی ٹیم نے اچھی کارکردگی کا مظاہرہ کیا۔ 46 سالہ ہیسن پنجاب فرنچائزی کے بھی چیف کوچ رہ چکے ہیں۔ (تصویر کریڈٹ: انسٹا گرام)