*تحفظ شریعت کی جانب سے استقبال رمضان کے تعلق سے پروگراموں کا سلسلہ*

*تحفظ شریعت کی جانب سے استقبال رمضان کے تعلق سے پروگراموں کا سلسلہ*

Urduduniyanews72

تحفظ شریعت و ویلفیئر سوسائٹی جوکی ہاٹ و پلاسی کی جانب سے بعنوان استقبال رمضان المبارک پروگراموں کا ایک سلسلہ ترتیب دیا گیا ہے. جس کا مقصد صرف ایک مہتم بالشان عبادت روزہ کی اہمیت و افادیت سے عوام الناس کو آگاہ کرانا ہے.

اس لادینیت اور پرفتن دور میں نوجوان طبقہ خصوصاً مزدور طبقہ کے ذہنوں میں روزے کی اہمیت دھندلا سا ہوگیا ہے اور اس عبادت کی روحانی اور جسمانی فوائد سے بے خبر ہوتے جا رہے ہیں، کچھ لوگ تو اس قدر بے پرواہ ہوگئے ہیں کہ ان کی زبانیں اس عبادت کے خلاف چل رہی ہے اور علی الاعلان بغاوت پر اتر آئے ہیں.

ان حالات کے مد نظر تحفظ شریعت کی پوری ٹیم کمربستہ ہو کر الگ الگ بستیوں کے مساجد میں بعد نمازِ عشاء پروگرام کر رہی ہے.

الحمدللہ آج دو جگہ پروگرام ہوا اور دونوں جگہ کامیاب رہا پہلا پروگرام مسجد لطیفی ہروا میں مہمان خصوصی حضرت مولانا عبدالسلام عادل ندوی، قاری عبدالواحد ،حافظ مبشر ، حافظ محمد معروف ، قاری محمد معصوم رحیمی اور گاؤں کے دیگر افراد شریک رہے 

دوسرا پروگرام مدنی مسجد چوک والی بوریا مہمان خصوصی حضرت مولانا محمد سرور صاحب قاسمی، قاری محمد اجمل، قاری محمد منظور، حافظ سعود اور بوریا گاؤں کے اکثر لوگ موجود تھے اللہ تعالیٰ سے سبھی دوستوں کی قربانی کو قبول فرمائے آمین ثم آمین 

عبدالوارث مظاہری

9686759181

شکر گزاری ____مفتی محمد ثناء الہدیٰ قاسمینائب ناظم امارت شرعیہ پھلواری شریف پٹنہ

شکر گزاری ____

Urduduniyanews72

مفتی محمد ثناء الہدیٰ قاسمی

نائب ناظم امارت شرعیہ پھلواری شریف پٹنہ 

اللہ رب العزت نے اس کائنات کو بنایا اور وہ تمام چیزیں فراہم کیں جو اسباب کے درجہ میں زندگی گذارنے کے لیے ضروری ہیں، پھر جب یہ کائنات سج دھج کر انسان کے رہنے کے لائق ہوئی تو حضرت آدم علیہ السلام اور ماں حوا کو روئے زمین پر بھیجا؛ تا کہ اس دنیا میں نسل انسانی کو فروغ ہو اور یہ کائنات آباد و شاداب رہے، چنانچہ انسانوں نے پوی دنیا کو آباد کیا، قدرت نے جو زمین میں مخفی صلاحیتیں رکھی تھیں ان کو کام میں لا کر اسے ترقی کے بام عروج پر پہونچا دیا، اب انسان ظلوم و جہول یہ سمجھتا ہے کہ یہ سب میں نے کیا اور یہ ساری رونق ہمارے دم سے ہے، وہ یہ بھولتا جا رہا ہے کہ یہ ساری چیزیں اللہ نے ہمارے لیے مسخر کی تھیں، اس لیے ہم اس کو کام میں لا کر نیا جہان بناتے رہے، لیکن اگر اللہ ہوا کو روک دیتا، آکسیجن ہماری ناک سے نہیں گذرتا، پانی کے سوتے خشک ہو جاتے، زمین سے غلے نہیں اگتے اور ارد گرد کا ماحول خراب ہو تا تو ہم یہاں کام کیا کرتے؟ اپنی ہی زندگی دشوار تھی، ایسے میں انسان گھٹ گھٹ کر مر جا تا، اللہ رب العزت نے اپنی ان نعمتو ں کے بارے میں واضح کیاکہ اگر تم اللہ کی نعمتوں کو شمار کرنا چاہو تو نہیں کر سکتے، اللہ تعالیٰ نے سورہ رحمن میں اپنی مختلف قسم کی نعمتوں کا بار بار ذکر کیا اور فرمایاکہ تم اپنے رب کی کن کن نعمتوں کو جھٹلاؤگے۔

ان نعمتوں کا تقاضا یہ ہے کہ ہم اللہ رب العزت کا شکر ادا کریں کہ اس نے ہمارے لیے ان چیزوں کو مسخر کر دیا، اللہ رب العزت نے اس شکر گذاری پر نعمتوں میں اضافہ کا اعلان کیا ہے اور ناشکری پر سخت عذاب کی وعید وارد ہوئی، لیکن انسان انتہائی نا شکرا واقع ہوا ہے، عام حالات میں ان نعمتوں کی طرف اس کا ذہن منتقل ہی نہیں ہو تا،خیال اس وقت آتا ہے جب اک ا ک بوند پانی اور ایک ایک سانس کی لمبی قیمت چکانی ہوتی ہے اور تب جا کر انسان کی سمجھ میں آتا ہے کہ اگر ہم پوری زندگی ساری کائنات کی نعمتوں کو چھوڑ کر انہیں دو چیزوں کی شکر گذای میں اپنا سب کچھ قربان کر دیں تو بھی شکر ادا کرنے کا ہم حق ادا نہیں کر سکتے، واقعہ یہ ہے کہ دنیا کے سارے درخت کا قلم اورتمام سمندر کے پانی کو روشنائی کے طور پر استعمال کر لیں تو بھی مالک حقیقی اور پروردگار عالم کا حق ہم ادا نہیں کر سکتے، اس لیے بندہ کو چاہئے کہ وہ ہر حال میں شکر ادا کرتا رہے، مصیبت آئے تو صبر کرے اور آسائش میں ہو تو شکر کرے، پھر اس شکر کی ادائیگی کی توفیق بھی اللہ نے دی، اس لیے اس توفیق پر بھی شکر اداکرے اور کرتا رہے، فلاسفہ کے یہاں دور و تسلسل ممنوع اور محال ہو تو ہوا کرے، اللہ رب العزت کے شکر کے باب میں تو تسلسل ہی اصل ہے، ہر دم، ہر آن اور ہروقت اللہ کی تعریف میں رطب اللسان رہے،یہی اللہ کا حق ہے اور بندے کی سر بلندی کا مدار و معیاربھی اسی پر ہے۔

*نور اردو لائبریری میں حاضری

*نور اردو لائبریری میں حاضری 

Urdudunyanews72

*(نور اردو لائبریری حسن پور گنگھٹی بکساواں ویشالی)*

 امداد اللہ قاسمی

*استاذ: نینی تال پبلک اسکول گوپال گنج بہار*

             میں فطری طور پر دو چیزوں کا رسیا ہوں یا یوں کہ لیں  ذکر الہی کے بعد جو دو چیزیں مجھے بہت محبوب ہیں وہ یہ ہیں

اچھی کتابیں

اور اچھی موسیقی 

میری روح کی تسکین ان تین چیزوں سے ہی ہوتی ہے 

آخر الذکر پر سوال کئے جاسکتے ہیں لیکن انسانی نفسیات سے چھٹکارا بھی بڑی مشکل چیز ہے 

و للناس فیما یعشقون مذاہب 

لوگوں کی چاہتیں مختلف ہوتی ہیں  

بہر کیف *نور اردو لائبریری* میں آکر میری کیفیت وہی ہے جو ایک شدید پیاسے کو  پانی کے مل جانے پر  ہوتی ہے

بہار کی مردم خیز زمین نے سینکڑوں جیالے اور قلم کے دھنی کو پیدا کیا جو اپنے زمانے میں چندے ماہتاب اور چندے آفتاب بن کر ابھرے 

راسخ عظیم آبادی سے لیکر کلیم عاجز تک ایک سلسلہ ہے جو اپنے زمانے میں امام اور مستند استاد مانے گئے 

کلیم الدین احمد کے اس تبصرے نے تو کہ غزل ایک نیم وحشی صنف سخن ہے پوری اردو دنیا میں ایک نئی بحث کا دروازہ کھول دیا 

راسخ عظیم آبادی اور میر کے اس واقعے سے  شاید ہی کوئی ادب کا طالب علم  ناآشنا ہوگا  کسی کو خاطر میں نہیں لانے والے میر سے جب راسخ ملنے پہنچے تو میر نے انکار کر دیا 

بہار کے اس باکمال شاعر نے کاغذ کے ایک ٹکڑے پر کوئیلے سے ایک شعر لکھا

*خاک ہوں پر طوطیا ہوں چشم مہرو ماہ کا* 

*آنکھ والا رتبہ سمجھے مجھ غبار راہ کا*

اور دربان کے معرفت بھیج دیا میر نے جب شعر پڑھا فرک اٹھے اور دوڑتے ہوئے باہر آئے اور راسخ کو گلے سے لگایا 

یہ سلسلہ بہار کے مذہبی طبقوں نے بھی بخوبی انجام دیا ہے 

*علامہ شبلی* کے ہونہار شاگرد *علامہ سید سلیمان ندوی* ہوں یا دارلعلوم کے باکمال سپوت *مولانا مناظر احسن گیلانی*  اور درجنوں نام ایسے مل جائیں گے ، خوشی کی بات یہ ہے کہ ہمارے عہد میں بہت ہی خوبصورتی کے ساتھ  *حضرت مفتی ثناء الہدی صاحب قاسمی دامت برکاتہم نائب ناظم امارت شرعیہ بہار اڑیسہ جھارکھنڈ*  جو کہ ادبی دنیا کے لئے ایک جانا پہچانا نام ہے ہندوستان کے مختلف معتبر اخبارات و رسائل میں حضرت کے مضامین چھپتے بھی ہیں اور مذہبی اور ادبی دنیا حضرت کی کاوشات کو قدر کی نگاہوں سے دیکھتی بھی ہے اس سلسلہ کو آگے بڑھائے ہوئے ہیں 

دوچار امیدوں کے دئیے اب بھی ہیں روشن 

ماضی کی حویلی ابھی ویران نہیں ہے 

حضرت مفتی صاحب کی تحریر میں دین اور ادب کا حسین امتزاج ہے  جو اقبال؛  اکبر الہ آبادی مولانا آزاد  مولانا دریا بادی علامہ شبلی مناظر احسن گیلانی  وغیرہ کی تحریروں میں ملتا ہے مزید ایک اہم کارنامہ نور اردو لائبریری کا قیام ہے آج  رفیق محترم  قاضی ظفر الہدی صاحب کی معیت میں کتابوں کے اعتبار سے اس عظیم لائبریری کو دیکھنے اور کچھ استفادےکا موقع  ملا

جس کا حسن یہ ہےکہ  دینی اور ادبی کتابوں کا ایسا ذخیرہ جمع ہو گیا ہے جو بہت کم دیکھنے کو ملتا ہے  

خدا سے  دعا ہے کہ حضرت مفتی صاحب کی اس کاوش کو شرف قبولیت سے نوازے 

اور مزید ترقیات سے نوازے۔ آمین

پاکی وصفائی ___مفتی محمد ثناء الہدیٰ قاسمی

پاکی وصفائی ___

Urduduniyanews72

مفتی محمد ثناء الہدیٰ قاسمی

 نائب ناظم امارت شرعیہ پھلواری شریف پٹنہ 

مثل مشہور ہے کہ ہر چمکتی چیز سونا نہیں ہوتی، ٹھیک اسی طرح چمکتے ہوئے برتن، میلوں سے پاک کپڑے اور خوبصورت زیب تن لباس دیکھنے میں جتنے بھلے لگتے ہوں اور ان کو پہن کر آپ کو اپنے ہینڈ سم ہونے کا جس قدر گمان ہوتا ہو، لیکن ضروری نہیں ہے کہ وہ پاک بھی ہوں، صفائی اور چیز ہے، پاکی اور چیز، بازار میں کھانے پینے کی دوکانوں پر جوبرتن ہوتے ہیں وہ عموما دیکھنے میں صاف ستھرے رہتے ہیں، اوسط قسم کے مسلم ہوٹلوں میں اس میں کمی نظر آتی ہے، بلکہ کہا جاتاہے کہ دہلی میں جامع مسجد کے سامنے جو بریانی بکتی ہے وہ ایسے دیگوں میں پکتی ہے، جس میں خوردبین سے بہادر شاہ ظفر کے دور کے ذرات تلاش کیے جا سکتے ہیں، یقینا یہ مبالغہ ہے، لیکن کسی دل جلے نے یہ بات وہاں کے دیگوں کی گندگی کو دیکھ کر ہی کہی ہوگی، اسکے بر عکس غیر مسلم بھائی کی دکانوں کے برتن اور لائن ہوٹل پر استعمال کیے جانے والے ظروف صاف ستھرے دکھائی دیتے ہیں، لیکن یہ پاک بھی ہیں، اعتماد سے نہیں کہا جا سکتا، اس لیے کہ ان ہوٹلوں پر استعمال شدہ برتن جہاں رکھے جاتے ہیں وہاں عموما کتے اس کی باقیات کے ساتھ برتن کو بھی چاٹ چاٹ کر صاف کر دیتے ہیں، کتوں کے ذریعہ صفائی کا یہ عمل برتن کو ناپاک کر دیتا ہے، کتوں کی زبان اور لعاب سے جو برتن صاف کیا گیا ہو اس کو ہمارے یہاں کم از کم تین بار دھونے کا حکم ہے، بلکہ روایتوں میں یہ بھی آیا ہے کہ اسے سات مرتبہ دھو یا جائے، اور آٹھویں مرتبہ مٹی سے دھویا جائے، تاکہ برتن کی پاکی کے ساتھ وہ جرثومے بھی مر جائیں اور صاف ہو جائیں، جو کتوں کے لعاب میں ہوتے ہیں اور انسان کو بیمار کر سکتے ہیں، یہ معاملہ صرف ہوٹل کا ہی نہیں، اسکولوں کا بھی ہے، اسکولوں میں جو مڈڈے میل دیا جاتا ہے، اس میں کچھ برتن تو وہ ہوتے ہیں جو طلبہ وطالبات اپنے ساتھ لاتے ہیں، اور کچھ برتن بعض اسکولوں میں طلبہ کو کھانے کے لیے دیے جاتے ہیں، کھانے کے بعد انہیں باہر جو ٹھا رکھ دیا جاتا ہے، تاکہ باورچی یا باورچن آرام سے اسے دھوئے، لیکن دیکھا یہ جا رہا ہے کہ ان کے دھونے سے پہلے کتے اسے اپنی زبان سے صاف کر دیتے ہیں، جب صفائی ہو گئی تو دھونے والا عملہ صرف اس پر پانی بہا دیتاہے، پانی بہانے کے اس عمل سے برتن صاف دکھائی تو دیتا ہے، لیکن وہ پاک نہیں ہوتا اور نہ جانوروں کے منہہ میں جو جراثیم ہوتے ہیں، اس سے وہ محفوظ ہوتا ہے، اگلے دن طلبہ وطالبات جب اسی برتن میں کھاتے ہیں تو یہ جراثیم بچوں کو لگ جاتے ہیں اور بچے بیمار پڑ جاتے ہیں، اسی قسم کا ایک معاملہ سنبھل کے شہزادی سرائے پرائمری اسکول کا اخبارات کی زینت بنا ہے، جب صحافیوں نے اس اسکول کا دورہ کیا تو اسکول میں کوئی موجود نہیں تھا اور مڈڈے میل کے لیے مستعمل برتنوں کو آوارہ جانور چاٹ رہے تھے، یہ ایک واقعہ صحافیوں کے سامنے آیا اور انہوں نے اسے خبر بنا دیا۔ واقعہ یہ ہے کہ بہت سارے اسکولوں کا یہی حال ہے، مڈڈے میل کھا کر بیمار پڑنے کے واقعات کثرت سے سامنے آتے ہیں، سانپ کے بچوں اور چھپکلی تک کھانے سے نکلنے پر اب کسی کو تعجب نہیں ہوتا۔ یہ حالات اس لیے پید اہوئے کہ جو احتیاط کھانا پکانے اور برتن کو پاک وصاف رکھنے کے لیے کیا جانا چاہیے اس سے پہلو تہی کرنا، اسے نظر انداز کرنا عام سی بات ہے، اور کوئی کسی کا ہاتھ پکڑ نے کو تیار نہیں ہے۔

اسلام میں صفائی اور پاکی دونوں مطلوب ہے، بعض اکابر کو یہ کہتے سنا کہ جس طرح پانی کی موجیں اور شجر وحجر ذکر الٰہی میں مشغول ہوتے ہیں، اسی طرح صاف کپڑے بھی اللہ کی تسبیحات بیان کرتے ہیں، فرمایا کہ یہی وجہ ہے کہ جب کپڑا صاف ہوتا ہے تو گرمی کم لگتی ہے اور جب میلا ہوجاتا ہے تو ذکر موقوف ہوجاتا ہے، اسی لیے گندے کپڑے میں گرمی زیادہ لگتی ہے، کپڑے تسبیح پڑھتے ہیں یا نہیں یہ تو بڑوں کے ادراک واحساس کا معاملہ ہے، لیکن گرمی کم اور زیادہ لگنے کی بات تو تجربہ سے ثابت ہے، اسلام میں صفائی کو ایمان کا حصہ قرار دیا گیا ہے، صفائی کے ساتھ بدن، کپڑے، مکانات اور جگہوں کا پاک ہونا بھی شریعت میں مطلوب ہے، یہ پاکی نہ پائی جائے تو ہماری عبادتیں درست نہیں ہوں گی، اس لیے ضروری ہے کہ صاف ستھرا بھی رہا جائے اور یہ صفائی ستھرائی پاکی کے ساتھ ہو۔

 بد قسمتی سے مسلم محلوں کی پہچان آج گندگی بن گئی ہے، معاملہ آوارہ جانوروں کے برتن چاٹنے کا ہی نہیں، ان گندگیوں کا بھی ہے جو بڑی آسانی سے ہم سڑکوں اور نالیوں میں ڈال دیتے ہیں، یہ عمل ہمارے ایمانی تقاضوں کے منافی ہے، اس سے فضائی آلودگی اور مختلف قسم کی بیماریاں پیدا ہوتی ہیں، ان بیماریوں سے بچنے او رسماج کو بچانے کے لیے صفائی اور پاکی کے بارے میں ہمیں بہت حساس ہونے کی ضرورت ہے اور ان جگہوں پر کھانے اور وہاں کی اشیاء کے استعمال سے پر ہیز کرنے کی بھی ضرورت ہے جہاں اس حد تک احتیاط نہیں کیا جاتا ہے۔

جامعہ عربیہ دارالعلوم محمدیہ کے سالانہ اجلاس مورخہ 16 /مارچ بروز جمعرات کی تیاریاں مکمل کی جا چکی ہیں

جامعہ عربیہ دارالعلوم محمدیہ کے سالانہ اجلاس مورخہ 16 /مارچ بروز جمعرات کی  تیاریاں مکمل کی جا چکی ہیں

Urduduniyanews72

پھلواری شریف پٹنہ مورخہ 10/مارچ 2023 (پریس ریلیز :محمد ضیاء العظیم قاسمی)

جامعہ عربیہ دارالعلوم محمدیہ البا کالونی پھلواری شریف پٹنہ میں مورخہ 16 /مارچ 2023 بروز جمعرات بمطابق ٢٤ شعبان المعظم ١٤٤٤ھ بوقت بعد نماز مغرب ایک عظیم الشان اجلاس کا انعقاد کیا جائے گا جس میں 15 /حفاظ کرام کی سروں پر دستارِ فضیلت باندھی جائے گی ،اور ایک حافظہ کو ردا پوشی کی جائے گی، مفتی نور العظیم مظاہری (مہتمم جامعہ ہذا) نے یہ اطلاع دی کہ سالانہ اجلاس دستار بندی مورخہ 16 /مارچ بروز جمعرات کی تیاریاں مکمل کی جا چکی ہیں ،دور دراز سے تشریف لانے والے مہمانوں کے قیام کا بھی نظم ونسق ہے، اہل خیر خواتین وحضرات نے بڑھ چڑھ کر اس موقع پر تعاون پیش کیا ہے اور کر رہے ہیں ۔مولانا محمد ضیاء العظیم قاسمی استاذ جامعہ ہذا نے بھی اس بات کی تائید کرتے ہوئے کہا کہ جامعہ ہذا کے تمام ذمہ داران مسلسل اس اجلاس کو کامیاب بنانے میں کوشاں ہیں ۔واجد علی عرفانی استاذ حفظ وقرأت نے کہا کہ جامعہ ہذا کی طرف سے رضا کاروں کی ایک جماعت ترتیب دی گئی ہے جو اپنی شناخت کے ساتھ اس اجلاس میں اپنی خدمات انجام دیں گے ۔مفتی محمد جلاء العظیم استاذ جامعہ ہذا نے بھی کام کی نوعیت کا مکمل جائزہ لیتے ہوئے اطمنان کا اظہار کیا ہے ۔

واضح رہے کہ جامعہ عربیہ دارالعلوم محمدیہ البا کالونی پھلواری شریف پٹنہ ایک خالص دینی ادارہ ہے ،جہاں مقامی وبیرونی طلباء اپنی علمی پیاس بجھا رہے ہیں حفظ وناظرہ کے ساتھ ساتھ ابتدائی فارسی وعربی زبان وادب کی تعلیم و تربیت کا بہترین نظم ونسق ہے۔

ji

Maulana Abdullah Salim Qamar Chaturvedi

  Abdul Qudous Rahi

 Abdulwaris Mazaheri

  Maulana Muhammad Muzaffar Hussain Mazahiri

 Maulana Fayaz Ahmed Rahi

 Qari Mehboob Alam Rahmani

 Maulana Muhammad Ishtiaq

 Maulana Khush Muhammad

 Maulana Muhammad Mushtaq Qasmi

 Qari Muhammad Abid Rahi

 Maulana Abdul Salam Adil Nadvi

 Qari Muhammad Manzoor

 Former Mukhya Hafiz Muhammad Sajid

 Mufti Muhammad Mukhtar Ahmad Qasmi.

 Hafiz Muhammad Sajid Rahi

 Qari Muhammad Jamshed Anjum

 Maulana Muhammad Rizwan Satbeeta

 Hafiz Muhammad Tauseef

 Qari Muhammad Ishtiaq

 Maulana Muhammad Shoaib Mazahiri

 Hafiz Omar Farooq

 Hafiz Muhammad Masoom

 Maulana Muhammad Manwar Mazaheri

 Qari Muhammad Zakir

 Qari Muhammad Jahangir

 Hafiz Muhammad Manzar Siraji

 Maulana Muhammad Rizwan Afaq

 Qari Muhammad Shahzad Rashidi

 Qari Abdul Masoor

 Maulana Muhammad Mumtaz Rashidi

 Qari Abdul Qudous

 Qari Muhammad Firdous

 Hafiz Muhammad Shahbaz

 Qari Muhammad Saddam Hussain

 Hafiz Moeedur Rehman

 Qari Abdul Kareem Mahtamam Darul Uloom Hafz al-Qur’an

 Hafiz Abul Kalam

 Hafiz Muhammad Mudassar bin Muhammad Moazzam

 Maulana Mahmood Al Bari Mazaheri

 Master Muhammad Sajid

 Qari Muhammad Rizwan bin Ayyad

 Qari Muhammad Abid Rahi

 Hafiz Mudassar Usman

 Muhammad Maswar bin Muhammad Moazzam

 Mufti Mujahidul Islam Mujibi Qasmi

 Qari Muhammad Muzaffar Saba Anjum

 Maulana Abu Bakr bin Maulana Abu Nasr

 Qari Muhammad Adil

 Qari Muhammad Rizwan Naseem

 Muhammad Nauman

 Maulana Muhammad Sarwar Mazaheri

 Poet-reader Shamsh-ul-Zaman

 Muhammad Tanveer

 Qari Mohammad Sarwar

 Maulana Muhammad Shahid bin Maulana Abdul Razzaq late

 Maulana Abuzar Ghaffari

 Master Abdul Baqi

 Mufti Muhammad Junaid Qasmi

 Qari Muhammad Saddam Farooqui

 Maulana Muhammad Muzamil Qasmi

 Master Abu Bashr Faizani

 Master Abdul Wadud

 Qari Muhammad Mustafa

 Maulana Umar Farooq Mazaheri

 Haji Hafiz Abu Talib Garda

 Qari Muhammad Anwar-ul-Haq

 Qari Muhammad Sufyan

 Qari Muhammad Tehzeeb Alam

 Maulana Muhammad Raisuddin Mazahiri

 Hafiz Muhammad Israfel Sesona

 Mufti Muhammad Tabarak Qasmi

 Qari Muhammad Reza Noor

 Muhammad Shahnawaz bin Syed Alam

 Qari Muhammad Akhlaq Siddiqui

 Qari Muhammad Mushtaq

 Hafiz Muhammad Saud Alam

 Qari Muhammad Jamshed

 Muhammad Mazhar bin Muhammad Shamim Akhtar

 Hafiz Abdul Manan

 Muhammad Samiullah

 Qari Muhammad Arshad Jamal Shibli 

Qari Muhammad Arshad Jamal Shibli

 Hafiz Muhammad Abrar Siddiqui

 Mufti Muhammad Athar Hussain Qasmi

 Qari Muhammad Jaber

 Maulana Jasimuddin

 Qari Muhammad Rehan Mehtamm Imamiya Tawfiqa

 Abdul Bari bin Ahmad Hussain

 Hafiz Muhammad Maruf

 Qari Muhammad Abu Dhar bin Abu Bakr

 Muhammad Mansoor Babu

 Qari Shams Tabriz Rajokhar

 Maulana Muhammad Asif Rahmani

 Qari Muhammad Tanweer bin Ghiyasuddin

 Maulana Muhammad Aslam Qasmi

 Qari Muhammad Imtiaz

 Qari Muhammad Danish Qamar

 Maulana Muhammad Mumtaz Mazahiri

 Qari Muhammad Asad

 Maulana Muhammad Zubair Mazahiri

 Hafiz Muhammad Arshad

 Qari Muhammad Shahbaz

 Qari Ghulam Rabbani

 Qari Abdul Rahim

 Qari Ghulam Rabbani

 Hafiz Muhammad Aamir

 Hafiz Muhammad scenes

 Qari Muhammad Nazim

 Muhammad Azam bin Sulaiman

 Hafiz Muhammad Sarfraz

 Mufti Muhammad Mubashir Mazahiri

 Qari Badralhadi Deobandi

 Qari Mohammad Anwar

 Poet Maulana Khurshid Qamar

 Muhammad Sarwar bin Muhammad Zafar

 Muhammad Shahid

 Qari Muhammad Ijaz Zia

 Qari Muhammad Maruf

 Hafiz Mohammad Sarwar

 Rashid Ahmed Khan

 Muhammad Sahil Patel

 Maulana Salman Kausar Naumani

 Qari Kausar Afaq Siddiqui

 Qari Muhammad Shafiq

 Qari Muhammad Hilal Ahmed

 Qari Muhammad Shahabuddin

 Qari Muhammad Sharif

 Hafiz Muhammad Abu Talib

 Qari Muhammad Mehrul Zaman

 Qari Muhammad Manzar

 Maulana Muhammad Sadiq Qasmi Mehtamam Madrasa Rahmaniya

 Qari Muhammad Arshad Siddiqui

 Qari Abdul Wadud

 Maulana Abdul Quddoos Mehtamam Fallah Muslim

 Qari Muhammad Ehtesham bin Maulana Abdul Wadud

 Muhammad Arshad

 Muhammad Bashah Bhai

 Maulana Muhammad Muthar

 Qari Faheem Islam

 Dr. Hafiz Muhammad Kamal

 Muhammad Atiq Bhai

 Special Urdu newspapers

 Maulana Muhammad Jamshed Naumani

 Hafiz Mohammad Atiqur Rehman

 Hafiz Khurshid Ahmad Imdadi

 Hafiz Muhammad Nazim

 Hafiz Muhammad Luqman

 Hafiz Muhammad Khattab

 Maulana Abdul Subhan Mazahiri

 Qari Muhammad Asghar

 Maulana Muhammad Mazhar Mazahiri

 Maulana Hayatullah Rahmani

 Hafiz Muhammad Mukhtar

 Hafiz Kashif Qamar

 Maulana Muhammad Athar Hussain

 Maulana Abu Talha

 Hafiz Muhammad Saddam Hussain

 Qari Ghulam Mustafa

 Maulana Muhammad Shafiq

 Muhammad Waris

 Maulana Muhammad Irshad 

Qari Muhammad Sharab

 Maulana Tanzilur Rahman Irfani

 Maulana Sabir Ismail Ahiai

 The reader obeys Allah

 Inayat Allah

 God's man

 Maulana Abdul Rahman Qasmi

 Maulana Abdul Rahim Mazahiri

 Maulana Muhammad Mumtaz

 Hafiz Abu Nasr

 Hafiz Ubaidullah

 Hafiz Muhammad Huzaifa

 Muhammad Mateen

 Muhammad Abrar

 Maulana Muhammad Mumtaz

 Maulana Muhammad Mansoor

 Maulana Muhammad Sharaf

 Hafiz Muhammad Akhtar

 Muhammad Rafiq

 Hafiz Muhammad Abid bin Haji Alauddin

 Qari Muhammad Hashim

 Qari Muhammad Nihal

 Hafiz Muhammad Akbar

 Muhammad Owais bin Haji Siddique

 NF Sheikh Nasir

 Master Muhammad Saim

 Muhammad Tawheed Bhai

 Haji Abdul Qudous

 Maulana Muhammad Usman Qasmi

 Qari Muhammad Masroor

 Muhammad Arshad Kaleem

 Qari Muhammad Manzar

 Muhammad Rashid bin Muhammad Kausar

 Master Muhammad Rizwan

 Master Mohammad Rehan Noor

 Master Muhammad Miraj

 Maulana Muhammad Akhtar

 Samiti Muhammad Feroze

 Muhammad Ehtsham

 Mohammad Afzal

 Poet Muhammad Shahab

 Masroor Khan

 Qari Muhammad Kausar Rahi

 Master Abdul Wadud

 Hafiz Muhammad Mubasher Rahimi

 Master Hasan Azad

 Qari Muhammad Masoom Rahimi

 Qari Abdul Kareem

 Hafiz Badi-ul-Zaman

 Qari Abu Dhar Ghaffari Mehmetam

 Maulana Abu Talha Mazahiri

 Qari Anwar Ghaffari

 Maulana Muhammad Firoz Naumani

 Muhammad Imtiaz

 Muhammad Zaid

 Abu Talib

 Ranveer

 Mohammad Farooq

 Naseemuddin

 Mufti Adil Imam Qasmi

 Muhammad Jamshed

 Phul Babu

 Maulana Muhammad Saqib Mazahiri

 Qari Hashim Jamal

 Noorul Haq

 Maulana Abuzar Mifthi

 Maulana Muhammad Zakir Naumani

 Maulana Shams Al-Zafar bin Muhammad Mushtaq

 Qari Badi-ul-Zaman

 Maulana Muhammad Iqbal

 Master Muhammad Akram

گزشتہ چھبیس فروری 2023 کو دن کے گیارہ بجے گورنمنٹ آئیڈیل مڈل اسکول بھیروکھڑا پاتے پور ویشالی ،بہار ،

*اجالا میٹھی یادوں کا* 

==============================

                      ✍🏼 مظہرؔوسطوی  

Urduduniyanews72

  گزشتہ چھبیس فروری 2023 کو دن کے گیارہ بجے گورنمنٹ آئیڈیل مڈل اسکول بھیروکھڑا پاتے پور ویشالی ،بہار ، کے وسیع احاطے میں تنظیم ارباب ادب چاند پور فتح ویشالی کے زیر اہتمام ایک ساتھ تین کتابوں کا اجرا پروفیسر فاروق احمد صدیقی( صدر محترم ) ،ڈاکٹر عطاء عابدی (مہمان خصوصی) اور مہمان اعزازی جناب انوارالحسن وسطوی، جناب سید محمد مصباح الدین احمد، شری راما نند سنگھ ، انجینئر رام نریش شرما ، شری جوالہ ساندھ پشپ ، ڈاکٹر اویناش امن اور ڈاکٹر عارف حسن وسطوی(ناظم )کے ہاتھوں کیا گیا۔ ان میں ڈاکٹربدر محمدی کی کتاب "بنت فنون کا رشتہ مع تبصرہ وتجزیہ" ڈاکٹر رام نریش بھکت کی کتاب "بجیکا گیتوں میں جن چیتنا" ، کہنہ مشق و قادر الکلام شاعر منظور عادل کی کتاب " جسے بھول گئے" قابل ذکر ہیں - ان تینوں کتابوں کے مصنفین ایک ہی بستی کے ہیں اور ان تینوں تصانیف کا تعلق شاعری سے ہے ۔ کوئی خالص تخلیقی ادب کا نمونہ ہے تو کوئی شاعری اور شاعری پر تنقید کا مجموعہ اور کوئی بجیکا شاعری پر تحقیق کا گلدستہ۔ تقریب رونمائی کے شرکاء نے ان تینوں کتابوں پر سیر حاصل بحث کی اور تینوں کے امتیازات واضح کئے ۔ نئی کتابوں کی رسم رونمائی اور ان پر گفتگو کے بعد دوسرے سیشن میں ایک عظیم الشان مشاعرہ و کوی سمیلن کا انعقاد عمل میں آیا ـ مشاعرہ کی صدارت بھی پروفیسر فاروق احمد صدیقی( سابق صدر شعبہ اردو بہار یونیورسٹی مظفر پور) نے فرمائی ۔ جناب صدر کے علاوہ جن شعرا نے اردو ہندی اور بجیکا کے اس مشاعرے میں شرکت کی ان کے اسمائے گرامی ہیں ۔ ڈاکٹر عطا عابدی ، جناب اسد رضوی، جناب علی احمد منظر ، جناب اکرام آزر ، جناب مشتاق دربھنگوی ،جناب منظور عادل، جناب کاظم رضا، ڈاکٹر بسمل عارفی، جناب ایم آر چشتی، جناب مقیم دانش ، ڈاکٹر بدر محمدی ، جناب مظہرؔ وسطوی ، شری راما نند سنگھ ، شری جوالہ ساندھ پشپ، شری اکھوری چندرشیکھر ، ڈاکٹر رام نریش بھکت ، ڈاکٹر اویناش امن، ڈاکٹر پنکج کرن، شری پریم ناتھ بسمل، ، ڈاکٹر ودیا چودھری، محترمہ سدھا ورما ، محترمہ معصومہ خاتون ، ڈاکٹر شمع ناسمین نازاں، ڈاکٹر فرحت یاسمین، محترمہ ثانیہ فرحت جمال - دونوں تقریب کی مشترکہ نظامت کے فرائض انجام دیئے جناب اثر فریدی اور ڈاکٹر عارف حسن وسطوی نے۔ مذکورہ دونوں تقریب گورنمنٹ آئیڈیل مڈل اسکول بھیروکھڑا کے قیام کے 70 سال مکمل ہونے پر منعقد کی گئی تھی ، جہاں ڈاکٹر بدر محمدی صدر مدرس کے عہدے پر فائز ہیں ۔ گنگا جمنی تہذیب کے دلدادہ سامعین کی خاصی تعداد نے دلجمعی کے ساتھ داد و تحسین سے نوازا اور اپنی ادبی بیداری کا ثبوت پیش کیا تنظیم ارباب ادب کے سکریٹری ڈاکٹر بدر محمدی کے اظہار تشکر کے ساتھ دورافتادہ دیہی آبادی میں منعقد ایک کامیاب اور تاریخ ساز ادبی تقریب اختتام پذیر ہو کر میٹھی یادوں کا اجالا بکھیر گئ۔۔۔