مسجد کے کاغذات درست کریں اور اس کی جائیداد کو وقف بورڈ میں درج کرائیں موجودہ حالات میں صدر جمعیۃ علما ء ہند مولانا محمود مدنی کا مفید مشورہ

مسجد کے کاغذات درست کریں اور اس کی جائیداد کو وقف بورڈ میں درج کرائیں موجودہ حالات میں صدر جمعیۃ علما ء ہند مولانا محمود مدنی کا مفید مشورہ

04/08/2021

molana-mahmood-madani

نئی دہلی4اگست:(اردواخباردنیا.اِن/ایجنسیاں)جمعیۃ علماء ہند کے قومی صدر مولانا محمود مدنی نے اپنے ایک اہم پیغام میں کہا ہے کہ مساجد، #مسلمانوں کے لیے مذہبی و دینی شعائر کی حیثیت رکھتی ہیں ، یہ اللہ کا گھر او ر اس کے ذکر و عبادت کا مقام ہیں ۔جب بندہ کسی زمین کو #مسجد کے لئے وقف کرتا ہے، تو وہ قطعہ زمین براہ راست اللہ کے حوالہ کردیتا ہے، اس کے بعد وہ جگہ مسلمانوں کے لیے انتہائی مقدس اور قابل احترام ہو جاتی ہے ۔ اب ان کے کردار کا تحفظ مسلمانوں کا آئینی ، دینی وایمانی فریضہ ہے ۔

موجود ہ حالات میں مساجد کی حفاظت کے لیے زیادہ بیدار رہنے کی ضرورت ہے ، حال میں ملک میں ایسے بہت سارے واقعات سامنے آئے جن میں فرقہ پرست ذہنیت کے حامل افسران نے مسجد وں کو غیر قانونی بتا کر منہدم کردیا یا اسے نقصان پہنچانے کی کوشش کی، ان میں ہماری کمزرویاں بھی شامل ہیں ۔ اس لیے ضروری ہے کہ موجودہ حالات میں #مساجد کے ذمہ داران دانشمندی کا ثبوت دیں اورچند اہم امور پر فوری توجہ فرمائیں تا کہ مساجد کے کردار کی حفاظت کی جاسکے

 

(۱) مساجد کی زمین کو مسجد کے نام سے وقف کیا جائے

(۲) مساجد کی تعمیر سے قبل اس کا نقشہ حکومت کے محکمہ تعمیر سے منظور کرایا جائے ۔

(۳) اگر مسجد کی #تعمیر کا نقشہ پاس ہو ا ہے تو اسے اپنے پاس محفوظ رکھیں اور اگر کوئی نقشہ نہیں ہے تو قدیمی مسجد کے کاغذات اکٹھے کئے جائیں

(۴) مسجد کمیٹی اپنے انتخابات کے کاغذات درست کریں

(۵)مسجد کے اخراجات کا سالانہ آڈٹ کرایا جائے

(۶) مسجد کی جائیداد کا وقف بورڈ میں اندراج کرایا جائے ، اندراج کے وقت کاغذات وغیرہ درست کرکے جمع کریں ، اس امر کا لحاظ رکھا جائے کہ کسی طرح کی اسپیلنگ ( مسجد اور واقف کے نام) وغیرہ کی غلطی نہ ہو ۔

(۷) یاد رکھیں کہ مسجد کی زمین ایک بار وقف کردی گئی تو اب اس کی حیثیت تبدیل کرنے ،اس کا متبادل لینے کا مسجد کمیٹی سمیت کسی کو کوئی اختیار نہیں ہے ، اس لیے حکومت ، روڈ ڈیلومینٹ اتھارٹی اور #لینڈ گرابس سے اس طرح کا کوئی معاملہ نہ کریں ۔

(۸) اگر ناگہانی صورت حال پیدا ہو جائے تو اپنے علاقے کے معتبر علماء اور مفتیان کرام سے رجوع کریں ۔واضـح ہو کہ اس سلسلے میں #جمعیۃ علماء ہند کی طرف سے ریاست اور اضلاع کی جمعیتوں کو سرکلر بھی جاری کیا گیا ہے کہ وہ اپنے علاقے کی مساجد کے ذمہ داروں کو اس مشورے سے آگاہ کریں اوربیداری پیدا کریں۔

پٹھان بھائیوں نےمہاراشٹرکے سیلاب زدگان کی مدد کیلئے مدد کا ہاتھ آگے بڑھایا

 اگست 4, 2021

ممبئی: 4اگست(اردو اخبار دنیا)کونکن ، مغربی مہاراشٹر میں سیلاب کی وجہ سے یہاں کے بیشتر لوگوں کی دنیاہی تباہ ہوگئی۔ سیلاب نے لوگوں کی کھڑی فصلیں تباہ کر دیں ، مکانات منہدم ہو گئے ۔مہاراشٹرریاستی کابینہ نے 11500 کروڑ روپے کے نقصان اخراجات کی منظوری دی۔ کئی فلاحی تنظیمیں ، رہنما اور فلم انڈسٹری کے معززین سیلاب زدگان کی مدد کے لیے آگے آئے۔

اب کرکٹرز عرفان پٹھان اور یوسف پٹھان کے نام بھی ان میںشامل ہوگئے۔ پٹھان بھائیوں کے سماجی کام کو دنیا کے علم میں لایا گیا ۔جیکونی فاو¿نڈیشن کے سربراہ نے اس کے بارے میں ٹویٹ کیا اور پٹھان بھائیوں کا شکریہ ادا کیا۔

پٹھان بھائیوں عرفان اور یوسف نے کورونا بحران میں بہت زیادہ سماجی کام کیے۔ وہ جنوبی دہلی اور وڈوڈرا میں کورونا سے متاثرہ خاندانوں کو مفت کھانا فراہم کرنے کے لیے کام کر رہے ہیں۔ پچھلے سال ، بھائیوں نے تقریبا 90000 خاندانوں کو راشن فراہم کیا ، اور انہوں نے یہ اپنے خرچ پر کیا۔ کرکٹ کے میدان پر بھائیوں کی یہ ہٹ جوڑی میدان سے باہر ایک سپر ہٹ بن گئی ہے۔ یہ سماجی کام ان کے والد کی فاو¿نڈیشن کی مدد سے کیا جا رہا ہے۔

جیکونی فاونڈیشن کی طرف سے آج پوسٹ کی گئی ایک ویڈیو میں کوکن کے بہت سے دیہاتی پٹھان بھائیوں کا شکریہ ادا کر رہے ہیں۔ سیلاب کی وجہہ سے دیہاتوں میں پندرہ دنوںسے بجلی کی سپلائی مسدود ہے اسلئے پٹھان بھائیوں نے سولر لائٹس کی مدد ان دیہاتوں میںکرکے انھیں دوبارہ روشن کیا ہے۔ آئےے اس ویڈیو کے ذریعہ جانتے ہیں دیہاتیوں نے پٹھان بھائیوں کے بارے میں کیا کہا ۔

اردو اخبار دنیا)بہار کی راجدھانی پٹنہ واقع 'جے پرکاش نارائن بین الاقوامی ہوائی اڈے' پر بدھ کو ایک الیکٹرک بس سے کچل جانے کے سبب ایک ائیر لائن ملازم کی موت ہو گئی

(اردو اخبار دنیا)بہار کی راجدھانی پٹنہ واقع 'جے پرکاش نارائن بین الاقوامی ہوائی اڈے' پر بدھ کو ایک الیکٹرک بس سے کچل جانے کے سبب ایک ائیر لائن ملازم کی موت ہو گئی، جب کہ حادثے میں ایک دیگر کے زخمی ہونے کی اطلاع ہے۔ مہلوک کی شناخت پرنس راج کی شکل میں ہوئی ہے جو انڈیگو ائیرلائنس کا ملازم تھا۔ اس حادثے میں اس کی دوست لونے زخمی ہو گئی اور فی الحال وہ راجدھانی کے ایک پرائیویٹ اسپتال میں زندگی اور موت کے درمیان جنگ لڑ رہی ہے۔

ٹی-20 عالمی کپ: ہند-پاک میچ کا انتظار ختم، 24 اکتوبر کو ہوگا 'مقابلۂ عظیم'

موصولہ اطلاعات کے مطابق مہلوک پرنس راج، جو آج اپنا یوم پیدائش منا رہا تھا، اپنی دوست لونے کے ساتھ انڈیگو کے قیام کے 15 سال مکمل ہونے پر ایک پروگرام میں شامل ہونے کے لیے پٹنہ ہوائی اڈہ پہنچا تھا۔ اسی دوران یہ حادثہ پیش آیا جس میں اس کی موت واقع ہو گئی اور اس کی دوست بری طرح زخمی ہو گئی۔

عینی شاہدین نے بتایا کہ دونوں متاثرین ہوائی اڈے کے گیٹ نمبر 1 پر ایک کیب سے اترے اور پروگرام کی جگہ پر جا رہے تھے تبھی اچانک سٹی بس سروس سے جڑی ایک الیکٹرک بس آ گئی۔ بس کی رفتار بہت تیز تھی۔ پرنس گاڑی کے پہیے کے نیچے آ گیا اور اس کی موقع پر ہی موت ہو گئی، جب کہ خاتون ٹکر کے بعد کچھ دور جا کر گر گئی۔

تلنگانہ: خواتین کا جنسی استحصال کرنے کے الزام میں فرضی بابا گرفتار

پٹنہ ہوائی اڈہ پولیس چوکی پر تعینات ایک افسر کا کہنا ہے کہ ''ہم نے غلطی کرنے والے ڈرائیور کے خلاف تعزیرات ہند کی متعلقہ دفعات اور لاپروائی سے گاڑی چلانے کے تحت ایف آئی آر درج کی ہے اور اسے گرفتار کر لیا ہے۔ حادثے کے بعد انڈیگو ائیرلائن کے ذمہ داران نے پروگرام کو رد کر دیا۔

مسلمان لڑکوں اور لڑکیوں کی غیر مسلموں کے ساتھ شادی افسوسناک،علماء، مذہبی تنظیمیں اور سرپرست توجہ دیں.مولانا خالد سیف اللہ رحمانی اگست 4, 2021

مسلمان لڑکوں اور لڑکیوں کی غیر مسلموں کے ساتھ شادی افسوسناک،علماء، مذہبی تنظیمیں اور سرپرست توجہ دیں.مولانا خالد سیف اللہ رحمانی

 اگست 4, 2021

نئی دہلی، 4اگست (اردو اخبار دنیا) اسلام نے نکاح کے معاملہ میں اس بات کو ضروری قرار دیاہے کہ ایک مسلمان لڑکی کا نکاح مسلمان لڑکے ہی سے ہو سکتا ہے، اسی طرح مسلمان لڑکا بھی کسی مشرک لڑکی سے نکاح نہیں کر سکتا، اگر ظاہری طور پر اس نے نکاح کی رسم انجام دے بھی لی تو شرعاََ اس کا اعتبار نہیں ہوگا۔ یہ بات آل انڈیا مسلم پرسنل لا بورڈ نے آج یہاں جاری ایک بیان کہی ہے۔

بیان کے مطابق تعلیمی اداروں اور ملازمت کے مواقع میں مردوں اور عورتوں کے اختلاط نیز دینی تعلیم سے ناواقفیت اور ماں باپ کی طرف سے تربیت کے فقدان کی باعث ادھر کثرت سے بین مذہبی شادی کے واقعات پیش آرہے ہیں، کئی ایسے واقعات بھی سامنے آئے کہ مسلمان لڑکیاں غیر مسلموں کے ساتھ چلی گئیں، اور بعد میں بڑی تکلیف سے گزریں، یہاں تک کہ اُن کو اپنی زندگی سے بھی ہاتھ دھونا پڑا، اس پس منظر میں گزارش کی جاتی ہے کہ:علماء کرام عوامی جلسوں میں کثرت سے اس موضوع پر خطاب کریں اور لوگوں کو اس کے دنیوی واُخروی نقصانات سے آگاہ کریں۔خواتین کے زیادہ سے زیادہ اجتماعات رکھے جائیں، اور اُن میں دوسرے اصلاحی موضوعات کے ساتھ ساتھ اس پہلو پر خصوصیت سے گفتگو کی جائے۔ائمہ مساجد جمعہ کے خطبات اور قرآن وحدیث کے دروس میں اس موضوع پر گفتگو کریں، اور لوگوں کو بتائیں کہ انہیں کس طرح اپنی لڑکیوں کی تربیت کرنی چاہئے کہ ایسے واقعات پیش نہیں آئیں؟

بیان میں کہا گیا ہے کہ والدین اپنے بچوں کی دینی تعلیم کا انتظام کریں، لڑکوں اور لڑکیوں کے موبائل وغیرہ پر گہری نظر رکھیں، جہاں تک ہو سکے لڑکیوں کو گرلس اسکول میں پڑھانے کی کوشش کریں، اس بات کا اہتمام کریں کہ اسکول کے سوا اُن کے اوقات گھر سے باہر نہ گزریں، اور اُن کو سمجھائیں کہ ایک مسلمان کے لئے مسلمان ہی زندگی کا ساتھی ہو سکتا ہے۔عام طور پر جو لڑکے یا لڑکیاں رجسٹری آفس میں نکاح کرتے ہیں، اُن کے ناموں کی فہرست پہلے سے جاری کر دی جاتی ہے.

دینی تنظیمیں، جماعتیں، مدارس کے اساتذہ وذمہ داران اور آبادی کی معتبر اور اہم شخصیتیں اُن کے گھروں کو پہنچ کر انہیں سمجھائیں اور بتائیں کہ اس نام نہاد نکاح کی صورت میں اُن کی پوری زندگی حرام میں گزرے گی، اور تجربہ سے معلوم ہوتا ہے کہ وقتی جذبہ کے تحت کی جانے والی یہ شادی دنیا میں بھی ناکام ہی رہے گی۔لڑکوں اور خصوصاََ لڑکیوں کے سرپرستان اس بات کی فکر کریں کہ شادی میں تاخیر نہ ہو، بر وقت شادی ہو جائے؛ کیوں کہ شادی میں تاخیر بھی ایسے واقعات کا ایک بڑا سبب ہے۔سادگی کے ساتھ نکاح کی تقریبات انجام دیں، اس میں برکت بھی ہے، نسل کی حفاظت بھی ہے اور اپنی قیمتی دولت کو برباد ہونے سے بچانا بھی ہے۔

زمینی تنازعہ سے متعلق دوفریق کے مابین گولی باری میں پانچ لوگوں کی موت

 اگست 4, 2021

(اردو اخبار دنیا)بہار شریف ،04 اگست ( یواین آئی ) بہار میں نالندہ ضلع کے چھبیلا پور تھانہ علاقہ میں بدھ کو زمینی تنازعہ میں دو فریق کے مابین گولی باری میں پانچ لوگوں کی موت ہوگئی ۔پولیس ذرائع نے آج یہاں بتایاکہ راجگیر سب ڈویژن کے لودی پور گاﺅں باشندہ پرشورام یادو اور نتیش یادو کے مابین 50 بیگہہ زمین سے متعلق قریب دو دہائیوں سے تنازعہ چل رہاہے ۔

دونوں فریق کے لوگوں کے مابین آج ایک بار پھر معاملے کو لیکر تنازعہ شروع ہو گیا ۔ دیکھتے ہی دیکھتے دونوں فریق کے لوگوں نے ایک ۔ دوسرے پر گولی باری شروع کردی ۔ذرائع نے بتایاکہ اس دوران نتیش یادو فریق کی جانب سے کی گئی گولی باری میں پرشورام یادو فریق کے تین لوگوں کی موت جائے وقوع پر ہی ہوگئی ۔ وہیں ، دو افراد کی موت اسپتال لے جانے کے دوران راستے میں ہوگئی ۔

متوفیوں میں ید و یادو (60 سال ) ، پنٹو یادو (30 سال ) ، مگھیش یادو (25 سال ) ، دھریندر یادو (50 سال ) ، شیول یادو (40 سال ) اور بندا یادو (50 سال ) شامل ہیں ۔ واقعے کی جانکاری ملنے کے بعد موقع پر پہنچی پولیس معاملے کی تفتیش کر رہی ہے ۔ واقعے کے بعد علاقے میں کشیدہ ماحول کے مد نظر اضافی پولیس فورس کو تعینات کر دیا گیا ہے ۔

دریں اثناءگاﺅں والوں کا کہناہے کہ دونوں فریق کے مابین زمین کا تنازعہ طویل عرصے سے چل رہا تھا ۔ معاملہ عدالتوں میں چل رہاہے جس کے متعلق بانڈ بھی بھرا گیا تھا کہ جب تک عدالت سے معاملے کا نپٹارہ نہیں ہوجاتا تب تک کوئی بھی فریق کھیت نہیں جوتے گا۔ اسی دوران دوسرے فریق کے ذریعہ زمین جوتائی کاکام شروع کیا گیا جس کے بعد معاملہ بڑھ گیا اور گولی باری تک کی نوبت آگئی ۔

پرانے نوٹ بدلنے یا خریدنے کے نام پر ہو رہا دھوکہ، آر بی آئی نے جاری کیا الرٹ

 اگست 4, 2021

(اردو اخبار دنیا)ہندوستان میں پرانے نوٹوں اور سکّوں کو فروخت کر پیسہ کمانے جیسی باتیں گزشتہ کچھ مہینوں میں زیادہ سننے کو ملی ہیں اور واٹس ایپ پر ایسی چیزیں تیزی کے ساتھ وائرل بھی ہو رہی ہیں۔ اس درمیان آر بی آئی نے لوگوں کو انتہائی محتاط رویہ اختیار کرنے کی ہدایت دی ہے۔ دراصل ہندوستان میں پرانے نوٹوں اور سکّوں کو خریدنے یا فروخت کرنے کے نام پر دھوکے بازی کا کھیل چل رہا ہے۔ اس کے خلاف آر بی آئی نے لوگوں کو آگاہ کرتے ہوئے کہا ہے کہ وہ کسی بہکاوے میں نہ آئیں۔ سنٹرل بینک نے ایک نوٹیفکیشن جاری کرتے ہوئے لوگوں سے یہ اپیل کی ہے۔

آر بی آئی نے نوٹیفکیشن میں کہا ہے کہ ’’ریزرو بینک آف انڈیا کی جانکاری میں آیا ہے کہ کچھ عناصر دھوکہ سے آر بی آئی کے نام/لوگو کا استعمال کر لوگوں سے فیس/کمیشن/ٹیکس کا مطالبہ کر رہے ہیں۔ آن لائن یا آف لائن ذرائع سے پرانے بینک نوٹوں اور سکّوں کی خرید اور فروخت کے فرضی آفر دیئے جا رہے ہیں۔‘‘

 

آر بی آئی نے بتایا کہ اس نے اس طرح کے لین دین میں اپنی جانب سے ٹیکس/کمیشن لینے کے لیے کسی ادارہ/فرم/شخص وغیرہ کو رجسٹرڈ نہیں کیا ہے۔ سنٹرل بینک نے ایسی دھوکہ دہی والی تجاویز کے ذریعہ سے رقم نکالنے کے لیے آر بی آئی کے نام کا استعمال کرنے والے عناصر کا شکار نہ ہونے کی صلاح دی

ٹی-20 عالمی کپ: ہند-پاک میچ کا انتظار ختم، 24 اکتوبر کو ہوگا ’مقابلۂ عظیم‘

 اگست 4, 2021

(اردو اخبار دنیا)آئی سی سی ٹی-20 عالمی کپ کی تاریخوں کا اعلان کر چکا ہے اور ساتھ ہی کون سے گروپ میں کون سی ٹیمیں ہوں گی، اس کا بھی اعلان کیا جا چکا ہے، لیکن ابھی تک مکمل شیڈول جاری نہیں کیا گیا ہے۔ اس درمیان ہندوستان اور پاکستان کے درمیان لیگ راؤنڈ میں کھیلے جانے والے میچ کے تعلق سے اہم جانکاری سامنے آئی ہے جس میں کہا جا رہا ہے کہ 24 اکتوبر کو یہ میچ لوگ دیکھ سکیں گے۔

آئی سی سی نے جب ٹی-20 عالمی کپ کے لیے دونوں گروپ کا اعلان کیا تھا، تو ہندوستان اور پاکستان دونوں کو گروپ-2 میں رکھا تھا۔ اس اعلان کے بعد ظاہر ہو گیا تھا کہ دونوں ٹیمیں لیگ راؤنڈ میں ایک دوسرے کے خلاف کھیلتی ہوئی نظر آئیں گی۔ یہاں قابل ذکر ہے کہ ہندوستان اور پاکستان کے درمیان خراب رشتوں کے مدنظر دونوں ممالک کی کرکٹ ٹیموں کے درمیان طویل مدت سے کوئی دو فریقی سیریز نہیں کھیلی گئی ہے۔

 

واضح رہے کہ ٹی-20 عالمی کپ کی شروعات اس سال 17 اکتوبر سے یو اے ای (متحدہ عرب امارات) میں ہونے والی ہے۔ اس دوران ہندوستان بنام پاکستان میچ پر سبھی کی نظر ہوگی۔ دونوں ہی ممالک کے کرکٹ شیدائی طویل مدت سے اس میچ کو لے کر کافی پرجوش ہیں۔ اس معاملے سے جڑے ایک ذرائع نے اے این آئی سے اس کی تصدیق کر دی ہے کہ میچ 24 اکتوبر کو کھیلا جائے گا۔ ذرائع نے کہا کہ ’’ہاں، یہ میچ 24 اکتوبر کو کھیلا جائے گا۔‘‘
گزشتہ مہینے ہی آئی سی سی نے مینس ٹی-20 عالمی کپ 2021 کے لیے گروپ کا اعلان کیا تھا۔ ٹی-20 عالمی کپ 17 اکتوبر سے 14 نومبر کے درمیان یو اے ای اور عمان میں مشترکہ طور پر کھیلا جائے گا۔ ہندوستان اور پاکستان کو سپر-12 کے گروپ-2 میں رکھا گیا ہے۔